Ko wai a Matariki?
What is Matariki? 

Ko Matariki – he tikanga whanake

I ēnei tau tata, kua tino piki te mōhio o te nuinga o te taupori o Aotearoa ki te reo Māori me ngā tikanga Māori whānui.

Ko tētahi o ngā wā nunui o te tau i te maramataka Māori ko te eanga o Matariki - te tau hōu ake o te tangata whenua o Aotearoa me te Moananui-a-Kiwa.

Mā roto i te puāwaitanga hōu o tēnei wā nui ki te ao Māori me ōna whakahaere tuku iho, ka wātea he wāhi ki ngā tāngata katoa o Aotearoa kia whakaaro ake mō tō tātou tū hei whenua ahurei i waenganui i ngā whenua o te ao. 


Matariki – a growing tradition

In recent years awareness of the Maori language and the wider cultural traditions of Maori has greatly increased among New Zealanders.

One of the most significant celebrations in the Maori calendar is Matariki – the indigenous New Year for Aotearoa and the Pacific.

The renaissance of this ancient Maori celebration and its traditions is a chance for all New Zealanders to remind ourselves of the very special place we occupy in the world.

Ko wai a Matariki?

He kāhui whetū pakupaku, he kāhui rerehua hoki a Matariki. Hei tōna eanga mai anō i te atapō i ngā wiki whakamutunga o Haratua, i ngā wiki tuatahi rānei o te mārama o Pipiri, ka kitea te tīmatanga o te oranga hōu o te tau.

Ahakoa he rerekē ngā kōrero a tēnā iwi, a tēnā iwi mō te wā whakanui i te tau hōu, tīmata ai te nuinga o ngā whakaritenga i te marama hou, i muri iho i te eanga o Matariki i te tahatū o te rangi. I te niunga o ngā tau, ka whakanuia i te marama o Pipiri.

I ngā wā o mua ka tīmata a Matariki i te mutunga o te hauhakenga, nō reira, kei te ranea rawa atu ngā oranga.

E rua ngā takenga e whakaarotia ana mō te ingoa o Matariki - ko ngā mata ririki tētahi aronga, (arā, he kanohi itiiti) ā, ko te mata ariki, (he kanohi ariki), tētahi atu. He ahakoa rā, e whakaarotia ana ko te mahi a ngā mata nei he tirotiro ki te whenua me ōna tāngata.


What is Matariki?

Matariki is a small but distinctive star cluster whose appearance in the north eastern pre-dawn sky in late May, early June marks the start of a new phase of life.

Although there are tribal differences regarding the timing, celebrations most often begin at the next new moon after Matariki has risen. This usually occurs during the month of June.

In ancient times Matariki arrived at the end of the harvest and was therefore a time of plenty for our ancestors.

Matariki can be translated in two ways – Mata Riki (Tiny eyes) and Mata Ariki (Eyes of God). Either way the eyes are thought to watch over the land and its people.

He tīmatanga hou

I tua atu i te waitohu i te tīmatanga o te tau hōu, ko Matariki te tohu o ētahi atu mahi whakatipu mauri. Ko te tau hōu hoki te wā e tirotiro ai te tangata ki tōna tū i te ao, ki te whakapakari i ngā pūkenga tawhito, ki te whakamātau pūkenga hōu otirā, ki te kimi whainga hou.

He wā āhua mahi kore tēnei, a Matariki. He pai hei akoako, hei rapu mātauranga anō hoki. Ki ētahi iwi, ko ngā whetū o Matariki te whare wānanga tuatahi, he whare kura i te rangi.

 

He nui tonu ngā mahi ka taea e koe ki te whakanui i te wā o Matariki, ki tāu e hiahia ake ai. Ko ētahi o aua mahi ka hāngai tonu ki runga i ngā āhuatanga Māori mō te whakanui, ko ētahi atu māu anō pea e whakarite.


New beginnings

As well as marking the start of a new year, Matariki also signals other new beginnings. The New Year is a good time to reflect on your place in the world, to reawaken old skills or try out new ones and to set new goals.

Matariki was a relatively inactive period of the year. This allowed time for study and learning. For some iwi, the stars form the first house of learning - a whare wananga in the sky.

There are many things you could plan to do to mark Matariki in your own special way. Some may be based on traditional Maori ways of celebrating and some could be things you have thought up for yourself.



Matariki kanohi iti

The tiny eyes of Matariki