This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



whiti1

1. ‑nga [Tāwhirimātea] mahp, ing, āhua. Ka tae atu ki tērā taha o tētahi mea, ka tae ki tāwāhi. Na, ka whakawhiti a Kupe i Te Moana-nui-a-Kiwa, ā, ka whiti (W 497).

2. ‑nga [Tāwhirimātea] Ka neke kia anga kē te titiro, te tū, te noho rānei. Kia tae ki te kokonga o Huia me Tūī, ka whiti ki te matau.  huri1 (4)

3. ‑a ‑ngia ‑nga [Tūmatauenga] mahw, ing, āhua. Ka huri, ka huaki, ka neke rānei (i tētahi hanga) ki tētahi hua. (i) Ka tīkina te tītoki hei whiti, arā hei whakaara ki runga; e popoki ana hoki te riu o te waka ki raro (W 497). (ii) I whiti rāua i te kōhatu ki te maitai, he mea kuhu ki raro i tētahi taha, ka hiki.

4. ‑a ‑ngia ‑nga [Tūmatauenga] Ka mahi kia rerekē tētahi mea, kia whai āhua kē noa atu, kia whai hanga kē noa atu. Whitia ō moni ki ērā o Ahitereiria ina tae koe ki te taunga rererangi.  whakarerekē

whiti2

1. ‑a ‑nga [Ranginui] mahp, ing, mahw, āhua. Ka whakaata, ka whakaputa rānei i te aho.  Ka whakamahia nuitia mō te rā, ka whakamahia anō mō te marama. (i) E whiti, e te rā, e maene ki te kiri (W 162). (ii) Kia whiti mai te marama, kua mārama te kitea o te ara. (iii) Arā kē te wāhi mahana, ko te kokonga e whitikina ana e te rā.  kōwatawata (2)

2. ‑a ‑kina ‑nga [Ranginui] mahw, ing, āhua. Ka whakaputa aho ki runga i tētahi mea. Koirā kē te wāhi mahana, ko te kokonga e whitikina ana e te rā.

3. [Tāwhirimātea] ing. Te aronga ki te aranga ake o te rā.  rāwhiti

whiti3

1. ‑nga [Ranginui & Papatūānuku] mahp, ing, āhua. Ka tupana te tinana i te tumeke, i te pānga o tētahi āhuatanga matawhawhati. Ka papā te whatitiri i runga tonu ake i tō mātou whare, ka whiti katoa mātou.  ohorere (1)

2. ‑nga [Tāne] Ka hūpeke kia teitei tonu, kia tawhiti tonu. E whiti ana ngā aua, e rukuruku ana ngā kawau.  peke1 (2)

3. [Tūmatauenga] ing. Te wāhanga tupana o te tāwhiti, arā, he rākau ka whakapikoa, ka titia ki te whenua. Te whiti o te rore (W 498).  whana1 (6)

4. [Tāne] ing, āhua. He mea roa, he mea whāiti ka whakapikoa kia kōpae te hanga, tētahi atu mea rānei e pēnei ana te hanga. Ka kotahi atu te kurī ki te whiti, ka peke i waenganui tonu, tae pai ana ki tērā taha.  mōhiti (1)

5. ‑nga [Ranginui & Papatūānuku] āhua, ing, mahp, tūkē. Inamata, i te kimonga kanohi (kua pā, kua puta tētahi āhuatanga, kua mahia rānei tētahi mahi), kāore he whakatūpato, kāore he whakamōhio tōmua. Māna te ringa whiti (W 498).  ohorere (3)

whiti4

1. ‑a ‑nga [Tūmatauenga] mahw, ing, āhua. Ka whakaputa ā-waha i tētahi kōrero kua mau ki ngā pūmahara. I whitia paitia e ia te karakia, kāore i tapepa.  taki1 (1)

2. ‑a ‑ngia ‑nga [Whiro] Ka karakia kia rawekehia te mauri o te tangata, o tētahi mea rānei, he kino, he mate te whāinga. Hoatu, whitia ki te Poutama, ki te whiti a Rangahua (W 498).  mākutu (1)

3. [Rongo] ing. Tētahi wāhanga o tētahi waiata, o tētahi karakia. He oriori tēnei mō Poutūterangi, he tuakana ki a rātau. E toru ngā whiti o te waiata nei (TT 93, t211).

4. ‑nga [Tāne] ing, mahp, āhua. He karakia. Ko te whiti a Poutama, he karakia; ko ōna putanga he whēwhē, he pātito, he aha (W 498).