This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



whenua

1. [Papatūānuku] ing. Ngā wāhi totoka o te mata o te ao kāore e ngaro ana i te wai; tētahi rohenga, tētahi takiwā o tēnei kei raro i te mana tangata. (i) Nāna nei i hanga te rangi me te whenua, te moana me ō reira mea katoa (PT Mah 14.15). (ii) Ka haere tonu ngā tautohetohe mō ngā whenua, kāre i mutu i konei (TTR 3, 201). (iii) He puna wai tō mātau. He tino makariri te wai. Ko te āhua nei, he wai pupū ake i te whenua (HP 18). (iv) E whakatipuria ana he paina ki tērā pito whenua. {oneone}

kaituhi whenua [Tūmatauenga] He tangata ko tāna mahi he rūri i te whenua. Me mātua kimi ngā pou i titia atu ki te whenua e ngā kaituhi whenua - koirā ngā pou tarāwaho.  kairūri

2. [Papatūānuku] He takotoranga oneone rahi nō tētahi iwi, he kāwanatanga, he mana whakahaere motuhake tōna. (i) Ki a ia he rite ētahi āhuatanga o Aotearoa ki tōna ake whenua, ki Itāria. (ii) Tuarua kai te rapu anō rātau i taua take anō ki te whenua o Īnia (PH 6, 11).

3. [Papatūānuku] He huinga pūtau kōpae te hanga ka tipu i te kōpū o te whaea, o te whāereere, hei hono i ana toto ki ō te kukune, e whakawhitihia ai te hāora, te kai, me ngā para. Ki te pā he raru ki te whenua, tērā tonu te hē ai te tipu o te kukune.  ewe (1)

4. [Papatūānuku] Te ewe me ngā kiriuhi kukune ka peia atu i te kōpū i muri i te whānautanga mai o te pēpē, o te kūao rānei. Kāore i roa i muri i te whānautanga ka puta mai te whenua. {ewe, rehuwhāereere}