This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



whata

1. [Rongo] ing. He kaupapa, he whare rānei ka hangā ki runga pou hei putunga kai, hei putunga kākahu, hei putunga aha atu. Ka titiro hoki ki te whata o te aruhe, o te mātaitai (N 68). {pūkiore}

whata puaroa [Tāne] He wāhi tapu i waihongia ai ngā taonga tapu; ehara pea i te whata tūturu. Ka tangohia e au te manea o te tapuwae, ka whakairia ki te whata puaroa (W 302). {(whata roa)}

whata roa [Tāne] He wāhi tapu i waihongia ai ngā taonga tapu; ehara pea i te whata tūturu.  (whata puaroa)

whata roa [Tāne] He pou i whakamahia i te tūāhu mō ētahi karakia. Huihui ngā kōrero ki roto wharekura, ki a Uenuku, tauria ki te whata roa (W 490).

whata roa a Manaia [Tāne] Te putunga kai i roto i te tinana, te wāhi e emi tuatahi ai ngā kai i mua i te neketanga atu ki ngā terotero. Ko te kai hoki ia e pārekareka te kakī, e pangoro ai te whata roa a Manaia (W 258).  puku1 (2)

2. whatā ‑hia ‑nga [Tāne] mahw, ing, mahp, āhua. Ka hiki (i tētahi mea) kia teitei ake te noho mai. E whatā ake ana e te ngako o taua ngārara nei (W 490).  whakarewa (1)

3. ‑ina ‑hia ‑nga [Tāne] mahw, ing, āhua. Ka whakatū i tētahi hanga pērā i te pou ki raro, ki muri rānei i tētahi atu mea, kia noho rewa tonu taua mea, kia kore ai rānei e hinga. I hoatu he pou mātotoru hei whata i te papa o te whare hou.  toko1 (4)

4. whatā ‑hia ‑nga [Tūmatauenga] Ka whakaputa whānui (i te kōrero, i te rongo). (i) Ka whatā e te ngutu ko au anake kei te kai kino atu te aroha (W 490). (ii) He kōrero ka whatā, e hoki anō ki te waha?  pānui (1)

5. ‑nga [Ranginui] mahp, ing, āhua. Kua mau te pito whakarunga (o tētahi mea), e tāepa ana a raro. Kei te titiro rāua ki te pānui e whata ana i roto i te wini o te toa (Wh 23, 6).  iri1 (1)

6. ‑nga [Tāne] Ka tino mārama te kitea atu i te mea e tū motuhake mai ana i tētahi mata, e mōhio whānuitia ana rānei. He toka e whata mai ana i te onepū.  kōhure (3)