This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



whara1

1. ‑nga [Ranginui & Papatūānuku] maho, ing, āhua. Ka hē, ka mamae tētahi wāhanga o te tinana i te pānga mai o tētahi aituā. (i) Ka taka a Hine i te hōiho, ka whara te waewae. (ii) He Pākehā tērā nō Kaipara, i hingaia e te rākau. Ka whara tōna tuara (TT 42, wh171). (iii) Nāu hoki i pōrangi ki te takahi i te waero o te raiona; ana ka whara koe (Pi 28, 6).

2. ‑nga [Ranginui & Papatūānuku] maho. Ka kainga (o te kai). He aha te kai e whara i a ia? (W 489)

3. ‑nga [Tūmatauenga] mahp, ing, āhua. Ka whiwhi (ina tohaina te kai). Kāore tāua e rato, e whara (W 489).

whara kai [Tūmatauenga] Ka kai (i te kai). (i) Kāhore anō te tūroro i whara kai (W 489). (ii) Ka puta te hau, ka tū te moana, ka tupotupou tō matou kaipuke, ko te putunga o te tangata, tāwari noa atu ana, koromeke noa mai ana, kāore e whara kai, ko te hemo tonu ētahi, heoi anā ka whakamanawanui tonu kia tae ki te wā kāinga (Pi 43, wh4).

whara2

1. [Tāne] ing. He kōmaru i hangā motuhaketia mō te waka taua. Mō te waka taua anake te rā whara; i mangungutia (W 489).

2. [Tāne] He hanga papatahi ka rangā ki te harakeke, ki te aha atu, hei uhi ki te papa, ki hea atu rānei, hei moenga, hei nohoanga, hei aha atu.  whāriki (1)

3. [Tāne] He aupuru rau raupō ka herea ki runga o ngā purupuru o te rauawa o te waka. Kua eke ngā oa, kua piri te whara, kua piri te takā (W 488).

whara hune [Tāne] ing, āhua. Ngā pū huruhuru o te kākano o te raupō, o te pūhā me ētahi atu tipu ka kawea ngā kākano e te hau. Haere koutou ki te tiki whara hune hei purupuru mō ngā kōwhao (W 488).  tāhuna2 (1)

whara3

1. [Papatūānuku] ing. He wāhi (pērā i te ana) ka noho hei okiokinga mō te kōiwi tūpāpaku. Heoi te hirihiri, e ngau ki Hauturu, e ngau ki te whara ki ngā puke i ahua, pohewa i takoto ki tawhiti (TT 41, t218).  toma

2. [Tāne] Te waha o te pūkaea. Ko te whara o te pūkāea he mea whakataratara (W 489). {wharawhara2}