This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



whana1

1. ‑nga [Tāwhirimātea] mahp, ing, āhua. Ka tāwhana ake anō, ka ohotata rānei te rere whakarunga. I te here au i te peka o te rākau, kātahi ka whana ake ka heipū rawa ki taku karu.  turapa (2)

2. ‑ia ‑hia ‑nga [Ranginui & Papatūānuku] mahp, ing, mahw, āhua. Ka rere te waewae ki te āki i tētahi mea, kia rere ai rānei tētahi mea. (i) Kei whana te hōiho i a koe e tū nā i muri i a ia. (ii) Kāore i whana atu i te pōro mai i tētahi ki tētahi (HP 53).

3. ‑nga [Tūmatauenga] mahp, ing, āhua. Ka whakauaua, ka whawhai ki tētahi kei runga ake tōna mana i tōu, ka mahi ki te turaki i te mana whakahaere. (i) E whana ana te ngākau o te kōhine ki te kupu a ōna mātua. (ii) Ka whana ngā hōia i ō rātou āpiha (Ng 292). (iii) Tutuki ana te whana a ngā kaumoana, makaia atu ana ngā kaihautū o te waka ki te aumoana.

4. ‑nga [Tūmatauenga] Ka ohotata te rere ki waho (o ngā peke). (i) Tākina atu rā kia whana ai ō ringaringa, kia hōkai ai ō waewae (W 486). (ii) Ina pā te mate hūkiki ki a ia, kua kaha tonu te whana o ana waewae me ana ringa.

5. ‑ia ‑hia ‑nga [Ranginui & Papatūānuku] mahw, ing, āhua. Ka akiaki, ka whakahau rānei i te tangata kia mahi i tētahi mahi. (i) Nā te aroha au i whana kia tae ā-tinana atu ki te huritau o te koroua. (ii) Nā te kaniawhea ia i whana kia whakahoki i te taonga i tāhaetia rā e ia. {kohuki, torohaki}

whana hiko [Ranginui] ing. hou. He āhuatanga o te matū ka whakaatu e hia te maha ake, te iti iho rānei o ngā irahiko i ngā iraoho, e puta ai te whana tōrunga me te whana tōraro (o te hiko). Ka puta he whana hiko ki te kore e ōrite te maha o ngā iraoho (i roto i te karihi o te ngota) ki ngā irahiko (e awhe ana i te karihi).

6. [Tūmatauenga] Te wāhanga tupana o te tāwhiti, arā, he rākau ka whakapikoa, ka titia ki te whenua. {panapana, tupa, whiti3 (3)}

7. ‑nga [Tūmatauenga] ing, mahp. He rere whakamua ki te whawhai ki te hoariri. (i) Kātahi ka whana atu ki mua ētahi o ngā hōia, e ruarua nei, hei whakataki mai i ngā tāngata Māori, me te manu e poapoatia ana, ko te nuinga i takoto tonu (WMA 1, 1). (ii) He whana taua nei (W 486).

makamaka whana [Tūmatauenga] mahp, ing, āhua. Ka haka, ka tūtū ngārahu. Ka ara mai te araara matua, ka makamaka whana.

whana kai tangata [Tūmatauenga] ing. Te huakanga whakamutunga ki te karihi i te niho o te hoariri. Tāria e tukua atu te whana kai tangata (W 486).

8. ‑nga [Tāne] āhua, ing, mahp. E piko ana, e ānau ana, e pewa ana. (i) He rākau whana, mea ake whati. (ii) Kua whana te matira a tērā rā - he ika rānei, he rimurimu noa rānei kua mau i a ia? {whakawhana}

whana2

‑nga [Tāwhirimātea] mahp, ing, āhua. Ka neke i tētahi wāhi ki tētahi atu. Kei Eketāhuna māua āpōpō, hei ātahirā whana atu ai ki Tāmaki-nui-a-Rua.  haere (1)

whana3

[Tāne] ing, āhua. He huinga tāngata ka whakakotahi i runga i tētahi kaupapa. He whana tautoko i haere atu i te taha o te tīma, hei reo umere mō rātou.  rōpū (1)