This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



whakauru

1. ‑a ‑ngia ‑nga [Tūmatauenga] mahw, ing, āhua. Ka mahi kia uru atu, kia noho atu rānei tētahi mea ki roto i tētahi atu hanga. (i) Ko te āhua o te tikanga pōti Māori i whakaurua ki roto ki te Pire (WMN 1, 12). (ii) Heoi, ko tēnei e whai ake nei i roto i ngā waiata i kohia e Tā Āpirana, ka whakaurua atu hei waiata 362 (NM4 362, Kwm).  kuhu (1)

2. ‑a ‑hia ‑nga [Tūmatauenga] Ka mahi kia whai wāhi atu, kia uru atu ki roto (i tētahi mahi, i tētahi kaupapa). (i) I whakauru ia ki te ope taua i haere ki tāwāhi. (ii) Neke atu i te 50 ngā kura kaupapa i whakauru ki te whakataetae toi. (iii) Kua whakauru atu ia ki te whare wānanga.

3. ‑a ‑hia ‑nga [Rongo] Ka tautoko i tētahi atu i roto i tētahi mahi, ka pīkau rānei i tētahi wāhanga o te mahi, hei whakamāmā i te wāhi ki a ia. Nā Tama i whakauru te hauā kia eke i te pahi.  āwhina

4. ‑nga [Tāwhirimātea] mahp, ing, āhua. Ka haere i runga i te whāwhai, ka whāwhai rānei te mahi i tētahi mahi. E tō, e te rā, rere whakauru ana ki te rua (W 469).  tahuti (2)

5. ‑nga [Tūmatauenga] ing, mahp, āhua. He tangata, he huinga tāngata rānei ka whawhai tahi me tētahi atu, ka tautoko rānei i tētahi atu. Kua tukua atu e au he karere ki Kapina, kia tukua mai ētahi rōpū hōia, hei whakauru mō ngā rōpū hōia kai muri i a tātau (PH 6, 6).  haumi (1)