This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



whakataka1

1. ‑ia ‑nga [Tāne] mahw, ing, āhua. Ka kati haere i tētahi mea i ōna taha katoa; ka tūtū mai huri noa i tētahi mea. Kātahi te hokowhitu rā ka whakataka i taua whare (W 366).  karapoti

2. ‑nga [Tāwhirimātea] mahp, ing, āhua. Ka neke kia anga kē te titiro, te tū, te noho rānei. (i) Whakataka te taringa, pēwhea hoki rā te korihitanga mai o te manu i te ata? (W 366) (ii) Whakataka tō hau ki te uru (W 366).  huri1 (4)

whakataka2

1. [Tūmatauenga] ing. Te upoko, te kaiārahi o tētahi iwi, he tangata whai mana i roto i te iwi. Ko wai hei whakataka mō tātou ka mate ana ngā rangatira o nāianei?  rangatira (1)

2. [Tāne] He rākau e 3 mita te tupu. Corokia buddleoides.  korokio (2)

3. [Tāne] He rākau e 6 mita te tupu, he ririki, he whāiti ngā rau, he kārikiuri a runga, he hiriwa te angamate, he niho piko whakararo kei te kāmata, he hua kōwhai pūhui roa te tupu, he ponguru karaka ririki ngā hua. Corokia macrocarpa. {hakataka, hokataka}

4. [Tāne] He rākau iti e 3 mita te tupu. Corokia cotoneaster.  korokio (3)

whakataka3

‑ia ‑nga [Tūmatauenga] mahw, ing, āhua. Ka whakahuihui tāngata i runga i tētahi kaupapa. Ka huri a Pura ki te whakataka taua, tē kitea he tangata kotahi nei hei toa māna.  whakamine