This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



ware1

1. ‑nga [Tūmatauenga] āhua, ing, mahp, tūkē. Kāore e mātau ana, e mōhio ana (o te tangata), kāore rānei e whāia ana (te mahi) i runga i te mōhio; he tangata e pēnei ana te āhua. Nā te ware ki ngā oro Māori i hē katoa ai tana whakahua i te ingoa o taua wāhi.  kūare

2. ‑nga [Ranginui & Papatūānuku] Kāore i āta whakaaro, kāore i mahi i runga i te tūpato, me te whai kia tika, kia oti pai rānei tētahi mahi. I puta ware noa taku kupu whakaiti i tana whanaunga.  pōrahurahu (4)

3. [Tūmatauenga] ing, āhua. He tangata kāore i heke mai i ngā kāwai rangatira. Ko taua moenga he moenga rangatira; e kore ngā ware e moe ki reira (W 479).  tūtūā

ware2

1. [Tāne] ing, āhua. Te wai o te waha ka hangaia e te tinana e pai ai te ngaungau, te horomi me te wāwāhi i te kai. Ka haurangi te tangata, ka whero ngā kanohi, ka pāhuka te waha, ka heke te ware, ka turituri, ka kōrero kino, ka ngengere, ka haunga, ka whakahī (TT 39, wh118).  hūware

2. [Tangaroa] ing. He mirumiru moroiti tini whāioio ka kitea i te mata o te wai, i te kai moī, i te waha rānei ina pāngia e ētahi momo mate. Āta riringihia te pia nā, kei kī noa iho taku karaehe i te ware.  huka1 (1)

3. [Tāne] He rākau e 30 mita te tupu. Agathis australis.  kauri (1)