This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



wahine

1. ‑tanga [Papatūānuku] ing, mahp, āhua. He tangata ka taea e ia te whānau uri; he rākau ka whai kākano. Arā te kupu tauaro, ko te 'tāne'.  Ko te 'wāhine' te kupu takitini. (i) Ko te karanga ki te wahine, ko te whaikōrero ki te tāne. (ii) I te kahikatea, he pango ngā kākano o te rākau wahine. {ahine, tamāhine, uha, uwha}

wahine tāne [Papatūānuku] ing. He wahine kua whai hoa tāne. Ko ētahi o ngā kaimahi i tēnei whakahaere he wahine tāne, ko ētahi he takakau kē. {maro (maro nui), maro (maro pūrua)}

whakaparu wahine [Papatūānuku] He kāwai whakapapa heke iho i te taha wahine.

2. [Papatūānuku] Te hoa rangatira o tētahi tāne. Ko Hera taku wahine, nō tērā tau māua i mārenatia ai. {hoa1 (hoa wahine), puna, whāereere}

wahine iti [Papatūānuku] Te wahine mātāmuri, tētahi rānei o ngā wāhine mātāmuri a te tāne. (i) I te taenga mai ki Kāwhia ka mahue i a Hoturoa a Whakaotirangi, tana wahine matua, ka noho ki tana wahine iti, ki a Marama-kikohura (IwiT 4:3). (ii) E! Nā te wahine iti rā koe! Ko au nā te wahine rahi (TT 101, wh1988). {murimanu}

wāhine

[Papatūānuku] ing. Te takitini o te kupu 'wahine'. Ko ngā wāhine kei mua, ko mātau, ko ngā tāne, kei muri. Ka tū, ka tangi. Ka mutu, ka nohonoho mātau katoa (HP 73).