This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



waha1

1. [Tāne] ing. Te wāhi i te kanohi e kai ai tētahi hanga ora, e puta anō ai tōna reo. (i) Kia mau te matau ki te waha o te ika, kia tere tonu te kukume ake. (ii) Hāmama ana ngā waha o ētahi me te auē tonu (WMAo 12, wh4). {kūaha, kūwaha, māngai, mawhera}

waha huka [Tūmatauenga] āhua, ing, mahp. E kaha ana (te tangata) ki te kōrero mō ōna, mō āna, kia nui ai ia i waenga i ētahi atu. (i) Anei tētahi whakataukī mō te tangata kaha ki te whakahīhī, ki te rūkahu; 'Whaitiri papā, he tangata waha huka' (H 30). (ii) Kei whea hoki rā te £60,000 i kīia nei e taua wahahuka ka puta mai i roto i tana mahi, ā, ka whakahaerea hei oranga mō ngā tāngata o te karāti o Whataupoko? (Mata 2, wh1) (iii) Ka whakawhānuitia, ka whakarekaia te kōrero e te waha huka, e te ngākau whakatoi (TT 60, wh447). {muriroa, pahupahu, pākiwaha, peha2, pepeha, rangiwhata, tamarahi, (waha pakaru), (waha papā), (waha rera), whakainati1, whakamānunu, whakanuka, whakapakari, whakapehapeha, whakapūkahu, whakaputa, whakatamarahi, whakatāwāhi, whakatoatoa}

waha pakaru [Tūmatauenga] E kaha ana (te tangata) ki te kōrero mō ōna, mō āna, kia nui ai ia i waenga i ētahi atu. E tama. Te waha pakaru rā. Ka mahue te waiho mai ki ngā mea mōhio. Ana — kua pakaru ngā hamuti (KK 102).  (waha huka)

waha papā [Tūmatauenga] E kaha ana (te tangata) ki te kōrero mō ōna, mō āna, kia nui ai ia i waenga i ētahi atu. Rangi: Ka kī mai te waha papā rā māna e hari mai ngā kai mō te hui. Pare: E weta, e weta. Mai kore ake a 'Pākene rāua ko Heiwa' e ora ai ngā tāngata (KK 86).  (waha huka)

waha rera [Tūmatauenga] E kaha ana (te tangata) ki te kōrero mō ōna, mō āna, kia nui ai ia i waenga i ētahi atu. Hōhā ana te whakarongo ki ngā kupu whakameremere a te waha rera.  (waha huka)

2. [Tāne] ing, āhua. Te wāhi (o te whare, o te rūma, o te pito whenua kua rohea mō tētahi kaupapa) e uru atu ai tētahi ki roto, e puta ai rānei ki waho. Ka tae atu rātou ki te waha o te pā, ka rere atu te kaiwero.  kūaha (1)

3. [Ranginui & Papatūānuku] ing. Ngā oro ka whakaputaina ina kōrero, ina waiata rānei te tangata, te aha atu. (i) Ka hāmama mai te waha, etia he waha tangata (W 473). (ii) Ka rangona anō e rātou te waha o te kurī rā (W 473).  reo (1)

waha kōrero [Tūmatauenga] He tangata ka riro māna e kōrero, e kōkiri tētahi kaupapa mā tētahi rōpū. Ko ia hoki te waha kōrero mō ngā kārangarangatanga hapū kāore nei e whakaae ana ki te hoko (TTR 1, 290).  māngai (2)

4. [Tāne] Te taura e mau ana ki te pou i te tapa whakamuri o te rā o te waka. {kotokoto3}

5. [Tangaroa] He huinga ika e haere tahi ana.  rāngai1 (1)

6. [Papatūānuku] Ngā taihemahema whakawaho o te wahine. E kōtamutamu ana te waha o runga, engari anō te waha o raro.  aroaro (3)

7. [Tāne] āhua. Kua whati mai, kua pakaru mai tētahi wāhi iti o te tapa, o te mata rānei o tētahi hanga mārō. E mahia ana tana niho waha e te rata niho.  riwha (1)

waha2

1. ‑ngia ‑tia ‑nga [Tāne] mahw, ing, āhua. Ka kawe i runga i te tuarā, i ngā pakihiwi rānei. (i) Mauria ana e ia ki runga ki ōna pakihiwi, wahaina ana ki runga i te tihi o te maunga (Ko 50, wh11). (ii) Kua haere mai a tūtara kauika, kua wahaina ngā tāngata ki uta (WMA 1, 14). (iii) Ehara ko koe anake tēnā e haere nei, engari ko tō iwi kei runga i ō pakihiwi e wahaina ana e koe (PR 91). (iv) Mā reira e whakaae ai rātou ki te waha i tētahi wāhi tika o ngā taumahatanga o te Koroni (Ao 1, wh12). {pīkau, tīkawe}

2. ‑ngia ‑nga [Tāne] Ka mahi kia neke whakarunga (tētahi mea). Mā koutou te waka e waha i a au e whakamau atu ana i te wīra pai.  hiki (1)