This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



waewae1

1. [Tāne] ing. Ngā peke o te tangata, o te kararehe, o te aha atu rānei e tū ai, e hīkoi ai ia; tētahi hanga rite ki te waewae te āhua, te mahi rānei. (i) E rua ngā waewae o te tangata, o te manu, e whā ō te kurī. (ii) Ka toru hāora tā mātou waewae poaka e tunu ana, ka maoa. (iii) Ka whati ngā waewae o muri o te tūru, ka pore whakamuri au. {kātete, tāhau1 (1), tātāhau2, wae2}

tūtū waewae [Tūmatauenga] mahp, ing, āhua. Ka haka me te mau rākau a te katoa o te kapa. I haere mārire, kāhore he tūtū waewae, kāhore he pararē o te māngai, kāhore he aha (KtKM 1, 4).  tūtū2 (tūtū ngārahu)

whakatū waewae [Tūmatauenga] Ka haka me te mau rākau a te katoa o te kapa. Ka tae mai māua i a Mohi ki tō mātau whare, ka whakatū waewae tahitia māua. Ka whakahau kia puritia ā māua pū mō te titiro (HP 127).  tūtū2 (tūtū ngārahu)

waewae mātotoru [Tāne] ing. He tangata ka taumaha te takahi o te waewae ina haere mā raro. (i) Ka Tahakopa tēnei, ko waewae mātotoru (W 473). (ii) Ka rongo tonu koe i a ia e haere mai ana, he waewae mātotoru.

waewae o Tamatekapua [Tāne] He pou angiangi roroa whai teka ka whakamahia hei waewae roa, e teitei ake ai te tangata i a ia e hīkoi ana. Nā ngā mahi a tērā tupuna ka kīia ngā poutoti ko ngā waewae o Tamatekapua.  poutoti

waewae pākura [Tāne] He tauira tukutuku, he tauira whakairo e whakaahua ana i te tapuwae o te pūkeko. {pākura (tapuwae pākura)}

waewae rākau [Tāne] He pou angiangi roroa whai teka ka whakamahia hei waewae roa, e teitei ake ai te tangata i a ia e hīkoi ana. Haere ana tētehi i ōna waewae anō, haere ana tētehi i te waewae rākau (W 472).  poutoti

waewae tīwhera [Tūmatauenga] He tangata nō ngā iwi e rua, arā nō ngā iwi e rua ōna whakapapa. Kua kore te waewae tīwhera e mōhio ko tēhea iwi ōna hei tautoko māna i tā rāua nei tohe.  taharua

2. [Tāne] ing, āhua. Ngā taura hei hōkai i te tira o te waka.  poupou1 (3)

waewae2

[Tangaroa] ing. He ika tai e 45-80 henemita te tipu. Raja nasuta.  whai1 (2)