This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



waea1

1. [Tūmatauenga] ing, āhua. reo kē. He taputapu hei whakapā atu ki te tangata kia pai ai te kōrero ki a ia mai i tawhiti; te hononga e taea ai tēnei mahi. (i) Ki konā tēnā waea tangi ai, kāore tonu tētahi e kori ake ki te whakautu. (ii) Ko te pai o te waea ka rongo koe i te reo o tāu i patu atu ai. {whounu}

waea pūkoro [Tūmatauenga] ing. hou. He waea iti, he waea ka taea te kawe haere, ka uru pai noa iho ki te pūkoro. Tēnā homai tō tau waea i te kāinga, me tērā o tō waea pūkoro, kia taea ai koe te whakapā atu ahakoa haere koe ki hea.

waea whakaahua [Tūmatauenga] ing, āhua. hou. He tāruatanga o tētahi tānga kōrero, whakaahua rānei ka hurihia hei karere hiko, kātahi ka tukuna ā-waea ki wāhi kē; te mīhini ka tuku i tēnei hanga. (i) Tēnā tukuna mai he waea whakaahua e whakaū ana i aku whakaritenga waka rererangi. (ii) Me tuku mai ngā kōrero hei haina māku ki te waea whakaahua.

2. ‑hia ‑tia ‑tanga [Ranginui] mahw, ing, mahp, āhua. reo kē. Ka whakapā atu ki tētahi atu ki te taputapu nei kia pai ai te kōrero ki a ia. (i) I a au ka waea atu, whakaae tonu mai, whakaritea ana he rā hei haerenga mai mōna (HM 11, 1). (ii) Ki te pā he mate whawhati tata, waeahia atu te 111.

3. [Tūmatauenga] ing. reo kē. He aho maitai angiangi, he tāwariwari te nuinga, he maha anō ngā whakamahinga. (i) Kia tika tō tūhono i te waea o te pouaka whakaata ki te pūrere ataata, ki te kore, e kore e kitea ake te kiriata. (ii) Ki te kore e mārō ngā waea o te taiapa, ka oma noa ngā hipi. (iii) Ka herea ngā ponga ki te waea, kia pakari ai te tūtū mai hei pātū.

waea2

‑nga ‑tanga [Ranginui & Papatūānuku] mahp, ing, āhua. Kua pau te hau, kua pau te kaha, mā te whakangā rawa, mā te moe rawa e whai kaha anō ai. Haere nei a Te Heuheu, ā, waea noa ngā wae (W 473).  ngenge1