This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



uru1

1. [Tāne] ing, āhua. Te wāhanga whakarunga o te tinana tangata, te wāhanga whakamua, whakarunga rānei o te tinana kararehe, kei reira ngā roro, ngā karu, te waha, ngā taringa me te ihu. Ka tika te toki ki te uru, pakaru mai ana ngā roro.  upoko

2. [Tūmatauenga] ing. Te upoko, te kaiārahi o tētahi iwi, he tangata whai mana i roto i te iwi. Kotahi anō te kupu a te uru, kua whāia e tana iwi.  rangatira (1)

3. [Ranginui] Te wāhi whakarunga rawa (o tētahi mea pērā i te maunga, te rākau, te taputapu, te kaupapa, te aha atu). Kia tūpato - he koi anō te uru o te tao nā.  tihi (1)

4. [Tāne] Te huinga weu e tipu ana i te upoko o te tangata. He uru māwhai ō ētahi, he uru torotika ō ētahi, he uru pūtētete anō ō ētahi.  makawe (1)

uru tūrehu [Tāne] āhua, ing, mahp. He hāmā, he teatea ngā makawe, ngā huruhuru. He uri pea tana wahine uru tūrehu nō Warahoe.  urukehu

5. [Tāne] ing. He huinga rākau e tū tahi ana, e tū motuhake mai ana i ētahi atu. Ka taiapahia te uru rākau kia kore ai e takahia e te kararehe. {kari2, motu1 (8), oro3, rōpū, urupuia}

uru whetū [Ranginui] He huinga whetū e tū tahi ana, e tū motuhake mai ana i ētahi atu. Tērā koia ngā uru whetū, hikitia hāpainga ake ki te tautara ki Ōhau rā (NWK 57).

uru2

1. ‑nga [Tāwhirimātea] mahp, ing, āhua. Ka haere ki roto. (i) Ka uru atu au, ka kite tonu atu i te whakaahua o taku tipuna e iri mai ana i te tuarongo o te whare. (ii) Kua uru mai te whiti o te rā. Kemokemo ana ngā whatu i te mārama (Wh 31, 2). {hou4, kuhu, pokopoko, tapoko, tomo, urutomo, whao2, whawhao}

2. ‑nga [Ranginui & Papatūānuku] Ka puta rawa ki tētahi wāhi, ka tau rawa ki tētahi wāhi. E kore mātou e uru ki Wharekahika (W 469).  tae1 (1)

3. [Tāwhirimātea] ing, āhua. Te aronga ki te tōnga o te rā. Kei te uru o Te Ika-a-Māui a Taranaki maunga.  hauāuru (1)

4. [Tāwhirimātea] Te hau ka pupuhi mai i te uru. Nā te uru i tere ake ai te rere mai i Ahitereiria ki Aotearoa, tēnā i te rere atu i Aotearoa ki Ahitereiria.  hauāuru (2)

uru-mā-raki [Tāwhirimātea] Te hau ka pupuhi mai i te uru-mā-raki. Kua kawea te ahi e te uru-mā-raki ki te tonga-mā-rāwhiti. {hauātiu, hauāurumāraki, kapekape2, kiwitaiki, mataeo, māuru, ori2, parera, tuku1 (tuku uta), tūpātiu, whakaari}

uru3

‑a ‑nga [Tūmatauenga] mahw, ing, āhua. Ka whakarite i ngā kōhatu wera o te hāngī i muri i te tangohanga i ngā ngārahu me ngā mōunga, i mua i te utanga atu i ngā kai. He karakia whakamāhutanga mō ngā hue me ka taona, ka urua te umu (W 469).