This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



umu

1. [Papatūānuku] ing. He rua ka keria hei wāhi tao kai ki te kōhatu wera. Ka minamina auahi ngā kai, he hē nō te mahinga mai o te umu.  hāngi (1)

umu karihau [Papatūānuku] He umu tapu ka whakamahia i ngā karakia hahunga.  karihau

umu kōtore [Papatūānuku] He hākari hei whakanui i te moe a ētahi rangatira. I a rātou e kai ana i te umu kōtore, ka tū mai te matua o te mea wahine ki te kōrero ki te iwi.  kai1 (kai kōtore)

umu pararahi [Papatūānuku] He umu kai hei kai mā te katoa ina mutu te karakia i tētahi mea. {imu (imu pararahi)}

umu pātaka [Papatūānuku] He umu kai e pā ana ki ngā karakia o te hahu.

umu pera [Papatūānuku] He umu kai hei kai mā ngā arero whero anahe ina mutu tētahi mea te pure.

umu pongipongi [Whiro] He karakia patu tangata.

umu pōtaka [Papatūānuku] He umu kai mā ngā arero whero anahe ka kainga ina mutu te tūā i te tamaiti. {imu (imu pōtaka)}

umu tamaahu [Papatūānuku] He karakia hei hiki i te tapu i te māra kūmara i mua i te hauhakenga. {imu (imu tamaahu)}

umu tūākaha [Papatūānuku] He umu kai mā te tohunga anahe ka kainga ina mutu tana tūā i te tamaiti.

umu tūpāpaku [Ranginui] He amaia e taka ana i te marama, he tohu mate.

umu waharoa [Rongo] He hāngī tapu e pā ana ki ngā karakia mō te hunga mate. {imu (imu waharoa), waharoa}

2. [Papatūānuku] He taputapu tahu kai ka whakawerahia ki te hiko, ki te kapuni, ki te waro, ki te wahie rānei. Takaia te ika i te pepa hiriwa. Tunua ki roto i te umu mō te rua tekau meneti (MM 16). {8}

3. [Tūmatauenga] Te wāhanga ka tapahia mai, ka tahuna mai rānei i te rākau ina tuaina te rākau.  tūāimu (1)