This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



ua1

1. [Tāne] ing. Te rārangi tangai i te tuarā ka tīmata ake i te tūta, ka heke iho ki te tikitona, he iwi e tautoko ana i te tārāuma me te puku.  tuaiwi (2)

2. [Tāne] Te wāhi o te tinana kei waenganui i ngā pakihiwi me te upoko. Ka mutu te kēmu ka noho te tapuhi ki te mirimiri i taku ua.  kakī1 (1)

3. [Tāne] Te taha whakamuri o te kakī. Haere mai, e Te Wananga, whakaarahia te ua o te kakī o ō tūpuna, o tō whenua hoki o Aotearoa (Wa 1, 4).  porongāue

4. [Tāne] He whiri mātotoru kei te kakī o te kahu.

ua2

‑nga [Ranginui] ing, mahp, āhua. He wai ka rere kōpatapata i ngā kapua ki te whenua. (i) Kaua e haere i te ua, ka mākū katoa koe. (ii) Ko Tāwhirimātea te mātāpuna o te ua rāua ko te hau (B 22). {ānau2, āwhā, marangai, tōuarangi}

ua kōehuehu [Ranginui] He ua āta rere rehu mai i ngā kapua ki te whenua. Kāore te whenua e kueo i te ua kōehuehu.

ua kōnenehu [Ranginui] He ua ka āta rere ā-kōpatapata moroiti nei. Ka pai te hamarara hei ārai atu i te ua kōnenehu.  nehu (ua nehu)

ua kōpiro [Ranginui] He ua kōpatapata nunui ka rukea iho i ngā kapua. Kia roa anō te ua kōpiro he waipuke kei te haere.  (ua tātā)

ua kōwhai [Ranginui] He kōwhaowhao ka rere iho i te kōanga, i te wā e pua ana te kōwhai. Kia tau ngā ua kōwhai ki te whenua, hei reira ruiruia ai ngā purapura pātītī.

ua pūkohukohu [Ranginui] He ua ka āta rere ā-kōpatapata moroiti nei. Ka pai te ua pūkohukohu mō te māra.  nehu (ua nehu)

ua tā whakarere [Ranginui] He ua kōpatapata nunui ka rukea iho i ngā kapua. He ua tā whakarere, he horo whenua te mutunga iho.  (ua tātā)

ua tāhengihengi [Ranginui] He ua rere tika iho i te kore e pupuhi o te hau. Kāore e mākū ngā matapihi o te whare i te ua tāhengihengi.

ua tātā [Ranginui] He ua kōpatapata nunui ka rukea iho i ngā kapua. Rarā ana te tuanui i te ua tātā. {(ua kōpiro), (ua tā whakarere)}

tātāriki [Ranginui] He ua ka āta rere ā-kōpatapata moroiti nei. Kāore e kino ngā huarākau i te ua tātāriki, engari anō te ua tātā.  nehu (ua nehu)

ua whatu [Ranginui] ing. He ua kua totoka ka rere iho i ngā kapua pērā i te ua. Tetetete ana te tuanui i te ua whatu. {hoata, huka1 (huka kapo), hukākapu, hukātara, hukawaitara, hukāwhatu, kōpaka, nganga}

ua-

[Tāne] pīa. He pūtoi kaka, he paparanga kaka rānei i te kiko e taea ana te kukuti kia oreore ai, kia mārō ai rānei tētahi wāhi o te tinana. Ko te uarua me te uatoru ētahi o ngā tino uaua i te ringa e taea ai te hiki, te pana rānei.  uaua (2)