This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tutu1

[Tāne] ing. He rākau e 8 mita te tupu. Coriaria arborea.  pūhou

tutu2

[Tāne] ing. He tarawhiti māna e puare ai te waha o te kupenga ā-ringa, o te aha atu rānei. Ki te kore te tutu, ka noho kopi tonu te toemi.

tutu3

1. ‑a ‑nga [Tāne] mahw, ing, āhua. Ka rau atu ki te wai, ka waiho atu ki reira mō tētahi wā roa, kia ngohengohe pea (mēnā he kai), kia uru atu, kia pūmau atu rānei tētahi mea ki roto (pērā i te tae). Ka tutua ngā aka ki te wai kia kōngohe ai.  kōpiro1

2. ‑a ‑nga [Tūmatauenga] Ka rokiroki (i te manu, i te aha atu) ki te hinu. Kātahi ka tutua ki te tahā, hei kai, hei hinu (W 463). {korotutu, kōtutu}

tutū1

‑nga ‑tanga [Tāne] mahp, ing, āhua. Ka tino mārama te kitea atu i te mea e tū motuhake mai ana i tētahi mata, e mōhio whānuitia ana rānei. Tutū ana tō rāua kāinga i waenga rākau i te hiwi i te whero o te tuanui.  kōhure (3)

tutū2

1. ‑tia ‑nga ‑tanga [Tūmatauenga] mahw, ing, āhua. Ka mahi kia kā he ahi. Me tutū te koraha, kia ātea ai te ara (W 463).  tahu1 (1)

2. ‑nga ‑tanga [Tūmatauenga] mahp, ing, āhua. Ka ara ake, ka rere ki te takiwā (o te puehu, te hoihoi, te aha atu). (i) Ka tutū te puehu (W 443). (ii) Tutū ana te heihei (W 443). (iii) Nāwai rā, ā, ka tutū te huka o te waha (W 443).

3. ‑nga ‑tanga [Tūmatauenga] mahp, ing, āhua, tūkē. Ka kaha, ka hihiko anō te tinana me te wairua (ki tētahi mahi). Tutū ana ngā waewae o te tamaiti ki te whanawhana i roto i te wai.  mātātoa (2)

4. ‑nga ‑tanga [Tūmatauenga] āhua, ing, mahp. Kāore e whakarongo ki ngā whakahau a tētahi tangata whai mana. I kīia ia he tangata tutū i tana kore e aro ake ki ngā hiahia o tana rangatira.  haututū (2)

5. ‑nga ‑tanga [Tūmatauenga] E whakaputa kino ana i te riri e mamae ai tētahi atu ā-kiko, ā-hinengaro, ā-wairua rānei, e takakinotia ai rānei tētahi mea. Ko ngā Pākehā tuatahi he iwi tino tutū, he herehere hoki i oma mai i Ahitereiria (KRK 71).  taikaha (1)

tūtū1

1. [Tūmatauenga] ing. He rākau ki reira hopukina ai te manu ki te mutu. He tūtū taua rākau; ko Te Rua-o-Tāne te ingoa; nō Te Pouwhenua taua tūtū (W 443).

2. ‑ranga [Tangaroa] āhua, ing, mahp. Kua mutu te pari mai (o te tai), kua tū mai ki tōna taumata. Taihoa e haere, kia tūtū te tai (W 443).  aronui (5)

tūtū2

‑ranga [Tūmatauenga] mahp, ing, āhua. Ka korikori, ka neke haere kia kaikama tonu te rere o ngā ringa me ngā waewae.

tūtū ngārahu [Tūmatauenga] Ka haka me te mau rākau a te katoa o te kapa. (i) Kātahi ka tūtū ngārahu ngā tāngata kotahi rau e rima te kau, muri iho ka haere katoa ki te whare rūnanga (Wh 14, 4). (ii) Ka tūtū atu te kapa haka, ka mahi i te peruperu, i te tūtū ngārahu rānei, te tīmatanga o ngā manaaki a te Māori i te tūārangi (WM 12b, 11). {ngārahu (ngārahu taua), ngārahu (tū ngārahu), peruperu, waewae1 (tūtū waewae), waewae1 (whakatū waewae)}

tūtū3

‑ria ‑ranga [Tūmatauenga] mahw, ing, āhua. Ka whakahuihui tāngata i runga i tētahi kaupapa. Ka mahara a Manaia kia tūtūria he tangata hei ohu waru mō āna tao (W 443).  whakamine

tūtū4

[Tāne] ing. He hanga koi, he makiki, ka tipu i te tātā, i hea atu rānei o ētahi tipu pūtaratara pērā i te tūmatakuru, i te ongaonga, i te kōtimana. E auē ana te waha nōna ka pā ki ngā tūtū o te ongaonga.  ngita2