This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tupua

1. [Ranginui & Papatūānuku] ing, āhua. He hanga maruwehi, he hanga whakamataku he kaha motuhake anō tōna, ko tōna whakatinanatanga ko te tangata, ko te rākau, ko te toka, ko te aha atu. He rākau tupua e piki ana i te awa, kāore e whai ana i te ia o te awa.  tipua (1)

2. [Tūmatauenga] ing. He tauhou, he tangata nō whenua kē. (i) Ka ū mai aua tupua ki uta, ka mataku atu mātou ngā wāhine me ngā tamariki, a ka oma mātou ki te tahora (TAH 52, wh43). (ii) Kua riro katoa ō tātou whenua, kua kī katoa ngā whenua nei i te tauhou, i te tupua (Wh 8, 3). (iii) A tiaia koe te manu o tawhiti, te manu a te tupua (NM2 174, 14).  tipua (2)

3. [Whiro] He taniwha weriweri, he taniwha whakamataku, he taniwha whakatūpato.  atua (3)

4. [Tūmatauenga] He tangata he pūmanawa whakaharahara ōna ki tētahi kaupapa, ki ētahi kaupapa. He tupua, he tangata kua eke i ngā taumata rau.  tipua (3)

5. ‑tanga [Ranginui & Papatūānuku] āhua, ing, mahp. E rerekē ana i tērā e mōhiotia nuitia ana, e kitea nuitia ana, e whakaaetia nuitia ana. He tangi tupua te mea i whakamataku i ngā tamariki i te pō.  korokē (3)

6. ‑tia ‑ngia ‑tanga [Tūmatauenga] mahw, ing, āhua. Ka kawe ki tawhiti, ahakoa te hiahia o te mea e kawea ana, o tētahi atu rānei kia kaua e pērātia. Ka rotua te whare e ngā wāhine rā, ka whakamoea kia moe, kia tupuatia ai a Kae e rātou (W 458).  kahaki (1)