This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tuki

1. ‑a ‑nga [Tūmatauenga] mahw, ing, āhua. Ka mahi kia pā kaha tētahi hanga ki tētahi atu mea. Engari te ngākihi e tukia, e marere i te toka (W 450).  pātuki (2)

2. ‑a ‑nga [Tūmatauenga] Ka rite tonu, ka kaha tonu te paopao ki tētahi taputapu pērā i te pōtuki, i te tā. Tukia te harakeke kia ngohe.  kuru1 (2)

3. ‑a ‑nga [Tūmatauenga] Ka rere whakamua ki te patu (i te hoariri). I muri i ēnei tautohetohe ka whakaarahia e ia he taua, ka huri ki te tuki i ōna ake whanaunga.  huaki (1)

4. ‑a ‑nga [Tūmatauenga] Ka taki (i ngā kaihoe o te waka), kia kotahi ai te hoe. (i) Tukia tō tātou waka (W 450). (ii) Tēnā pēhia; tēnā tukia; tēnā tiaia (W 450).  hautū (1)

5. ‑a ‑nga [Tāwhirimātea] Ka pā kaha atu (tētahi mea) ki tētahi atu i te wā e haere ana.  Ka taea mō ngā mahi pokerehū me ngā mahi i āta mahia kia pērā. (i) Ka mahi kia hipa pai ia i te waka e tū ana i tōna taha matau, ka tuki atu i te pouaka reta. (ii) Kātahi au ka panaia mai e ngā mea i muri i a au, tukia atu e au te Meiha (HP 223). (iii) Pēhea koe ina tukia koe e ngā pūru i runga i te puke rā? (Wh 15, 2)  tika (5)

6. [Tāne] ing. He taputapu ka mahia ki te rākau, he poroharore tētahi pito, he taputapu hei paopao aruhe, hei paopao aha atu.  paoi (1)

7. [Tūmatauenga] He waiata whakatītina i ngā kaihoe kia kotahi ai te hoe. Ka tū a Pūkenga ki runga i tōna waka, ka whakahua i te tuki mō ana kaihoe. {toiere2, toitoi2 (toitoi waka), (tuki waka)}

tuki waka [Tūmatauenga] He waiata whakatītina i ngā kaihoe kia kotahi ai te hoe. Ka hapa te hoe i te waka, nā ka ara te reo o te kaihatū ka takutaku i tana tuki waka kia kotahi ai te hoe.  tuki (7)

8. [Tāne] He wāhanga ka tāpiritia ki te tinana o te waka kia roa ake ai te hanga.  haumi (4)

tuki maroke [Tāne] Te wāhanga o te tuki kāore e noho ki roto i te wai.

tuki moana [Tāne] Te wāhanga o te tuki ka noho i roto i te wai. Ka mutu te tō, ka tau te waka, ā, e piri ana te huka o ngā ngaru ki te tuki moana.  (tuki wai)

tuki wai [Tāne] Te wāhanga o te tuki ka noho i roto i te wai. {(tuki moana)}

9. [Tāne] He hanga rite ki te kakī mō runga i te tahā, i hangaia ki te rākau, i āta whakairohia a waho, he moani a roto, i waruwaruhia kia noho pai mai ai ki te waha o te tahā. I mahia he kōhao i te tapa whakararo o ētahi kia pai ai te tui atu ki ngā kōhao kua mahia mai ki te tapa whakarunga o te tahā. Ko te mataī te rākau pai mō te mahi tuki.  ngutu (4)

10. [Tāne] Te ara e rere ai te wai i waenganui o te pā tuna.