This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tuke

1. [Tāne] ing. Te ponapona i waenganui i te kikowhiti me te peke o te ringaringa. Nō te wharanga o tōku tuke ka takaia tōku ringa katoa e te tapuhi. {tuketuke, whatīanga}

2. [Tāne] He koki, he ānau rānei i tētahi mea roa pēnei i te huarahi, i te awa, i te paipa, i te aha atu. Ka whakawerahia te paipa, kātahi ka āta whakapikoa kia oti mai ai he tuke.  piko (3)

3. [Tūmatauenga] He rākau roroa whai pae, whai karu māhanga, whai aho ka kawea haerehia hei hopu kākā.  mutu (mutu kākā)

tuke o rangi [Tangaroa] He mātaitai taringa te hanga. Haliotis iris.  pāua

4. [Tāne] He momo inenga e inea ai tētahi mea, mai i te tuke whati o tētahi ringa ki ngā matimati o tētahi ringa e toro ana i te taha. Ko te roa o taua tuna kotahi tuke, me te tuawhiti anō.

tuke kau [Ranginui] āhua, ing, mahp. Kāore noa iho e tawhiti atu, e tawhiti rānei te haere. (i) Tuke kau nei te roa o te ara (W 450). (ii) Tuke kau nei te toa - me haere tāua mā raro.

5. ‑nga [Tāne] mahp, ing, āhua. Ka tākiri kia iti noa (o tētahi wāhanga o te tinana) i runga i te ohotata. Ka paoa e te tākuta tana turi, tuke tonu atu.  korowhiti (2)

6. ‑nga [Tangaroa] Ka tūtū mai, ka pupuke mai (te mata o te moana) me te rere anō o te pūpūtai. Ka whakawhiti i ngā wai tuke o Te Moana-o-Raukawa.  ngarungaru

tūkē

[Tāne] ing. hou. He kupu ka tū i muri tonu i te tūmahi, e whakaahua ana i taua mahi, he huinga kupu rānei e whakaahua ana i taua mahi. (i) I te rerenga kōrero 'Kua tau mārire ki te pae', he tūkē te kupu 'mārire'. I te rerenga kōrero 'I pūhia pokerehūtia tana hoa', he tūkē te 'pokerehūtia'. (ii) I te kōrero 'Ka hoki mai ia ātahirā', he tūkē te 'ātahirā'. I te kōrero 'Nōnakuanei ia i wehe atu ai', he tūkē te 'nōnakuanei'.