This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



toto1

1. [Tāne] ing. Te wai whero e rere ana i ngā iaia o te tinana. Kātahi au ka piko ki te titiro i taku waewae ka kite au e heke ana te toto (HP 23). {karukaru}

2. ‑nga [Ranginui & Papatūānuku] mahp, ing, āhua. Ka puta te toto i te tinana i te mea e mate ana, i whara rānei. (i) Ka rakurakuhia, ka puta te tarawai, ka toto, ka pirau (TT 72, wh641). (ii) Ka titiro ki tana waewae e toto ana, ka tīhaea mai he wāhi o tana hāte hei takai.

toto2

[Tāne] ing. He rākau 12 mita te tupu. Toronia toru.  toru1

totō

1. ‑tanga [Tangaroa] mahp, ing, āhua. Ka āta turuturu mai (te wai āhua kukū, āhua hāpiapia rānei) i tētahi puare iti, i ētahi puare iti. Totō ana te pirau i tana harehare.  pipī (1)

2. ‑tanga [Ranginui] Ka āta rere iho ā-kōpata noa nei. E totō noa iho ana te pia i te kāho i te mea kua tata te pau.  māturu

3. ‑nga [Tangaroa] Ka pakaru mai, arā, ka nui, ka tere te rere iho (o te wai). Kātahi ka totō ake te aroha i roto (W 428).  hīrere (1)

4. ‑nga [Ranginui] Ka piki, ka neke rānei ki runga. Te whenua o ō koutou tīpuna, he ringa kē kei a ia e mau mai ana. Ko ngā mahara ēnei i totō ake i tōku puku i a Tūranga e hākari ana i tōna tiupiri (TT 74, wh674).  ara2 (2)

tōtō1

[Tāne] ing. Te wāhanga roroa o te tipu e piki whakarunga ana mai i te papa, e tautoko ana i ērā atu wāhi ōna; te wāhanga o te tipu e mau mai ai ngā rau, ngā pua, ngā hua rānei.  tātā2 (1)

tōtō2

1. ‑ia ‑nga [Tūmatauenga] mahw, ing, āhua. Ka whakapau kaha ki te haukume (i tētahi mea) kia whai haere i a koe; ka haukume kia roa. Ka tīmata ngā hōia ki te piki atu mā te rori tōtō kāta e haere atu rā i Ōpōtiki ki ngā pā o Ngāti Ira, ki Te Puia, ki Ōpekerau, ki Te Tarata hoki (TTR 2, 152).  1 (1)

2. ‑ia ‑nga [Tūmatauenga] mahp, ing, mahw, āhua. Ka whakahaere karakia mō te tamaiti whānau hou.  iriiri1

tōtō3

[Tāne] ing. He kete tapu ka whakamahia i roto i ngā karakia mō te kūmara. Ko te tōtō tapu nā wai? Ko te tōtō tapu nā Raupenapena (W 428).  tōtōwahi