This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



toroa

1. [Tāne] ing. He manu taumaha tāwhai tai, he ngutu māwhero mātotoru, he kanohi mā, he parauri te tumuaki me te ua, he mā a raro, he tāingo kei te uma, he hāurauri ngā parirau, he ōrangitea ngā waewae. Diomedea exulans.

toroa ingoingo [Tāne] He manu tino taumaha tāwhai tai, he ngutu māwhero mātotoru, he mā ngā huruhuru atu i ngā parirau pango parauri, he ōrangitea ngā waewae. Diomedea epomophora. {(toroa whakaingo)}

toroa whakaingo [Tāne] He manu tino taumaha tāwhai tai. Diomedea epomophora.  (toroa ingoingo)

toroa a ruru [Tāne] He manu taumaha tāwhai tai. Phoebetria palpebrata.  (toroa pango)

toroa haunui [Tāne] He manu taumaha tāwhai tai. Phoebetria palpebrata.  (toroa pango)

toroa pango [Tāne] He manu taumaha tāwhai tai, he hāurauri te upoko me ngā parirau, he pakohe te uma, he kiwikiwi a raro me te tuarā, he ānau mā kei te karu, he kororā ngā waewae. Phoebetria palpebrata. {kōputu1, pēō, (toroa a ruru), (toroa haunui), (toroa ruru)}

toroa ruru [Tāne] He manu taumaha tāwhai tai. Phoebetria palpebrata.  (toroa pango)

toroa haoika [Tāne] He manu tai āhua nui tonu. Morus serrator.  tākupu (1)

toroa horoika [Tāne] He manu tai āhua nui tonu. Morus serrator.  tākupu (1)

toroa tatakī [Tāne] He manu tai āhua nui tonu. Morus serrator.  tākupu (1)

2. [Tāne] He manu nui tonu, he tāwhai tai, he mā te nuinga o ngā huruhuru, he hāurauri ngā parirau, he ngutu kōwhai, he tukemata pakohe, he waewae kororā. Thalassarche melanophris.

3. [Rūaumoko] He taputapu tā moko ka mahia ki te kōiwi toroa. I ngā rā o mua, ka haea te mata ki te toroa, ināianei, kua tahuri ētahi tohunga tā ki te ngira hiko.

4. [Tāne] He pū hune toroa hei whakarākei i te tinana.

toroa a tai [Tāne] Ngā hune o te toroa.

toroa a uta [Tāne] Ngā hune o te kākā.

tōroa

[Tāne] ing. Te matimati tino roa o te ringa. {mānawa2, māpere}