This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tore1

1. ‑nga ‑tanga [Rūaumoko] mahp, ing, āhua. Ka mura te ahi, e puta ake ai te wera me te auahi anō pea. Ka tore te whare - ao ake, he pungarehu kau.  1 (1)

2. ‑nga [Tūmatauenga] Ka tū (te ure) hei whakaatu i te wairua kaitaua.  tora (2)

tore kai huruhuru [Tūmatauenga] ing. He toa taiohi kāore e rere ki mua i ngā tino toa. He whakataukī te tore kai huruhuru; he toa, engari he pōtiki, he toa muri, ehara i te toa mātāmua; he toa pōtiki, ehara i te toa hopu mātāika (W 437).

tore2

1. ‑a ‑nga [Tūmatauenga] mahw, ing, āhua. Ka wehe i tētahi mea ki te taputapu koi, pēnei i te māripi, i te aha atu. Ki te torea te kiri, ka toto.  tapahi

2. ‑a ‑ngia ‑nga [Tūmatauenga] Ka mahi kia wehe tētahi wāhanga mai i tētahi pito ki tētahi. Riro ana mā te arotahi e tore te aho e kitea ai ngā tae o te āniwaniwa.  wāhi1 (2)

3. ‑nga [Ranginui] mahp, ing, āhua. Ka whiti te aho, mā tētahi āputa iti pea. Ka kitea te mārama tuaiti nei e tore ana; i kitea ki te angotanga o te kēkē o Rangi (W 437).

4. [Papatūānuku] ing. Te pū (i te tinana wahine, i te tinana uwha) atu i te kauraho ki te kōpū.  tara6