This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tope1

1. ‑a ‑nga [Tūmatauenga] mahw, ing, āhua. Ka wehe i tētahi mea ki te taputapu koi, pēnei i te māripi, i te aha atu. Tēnei ka tope mai te uhi a Mataora (W 437).  tapahi

2. ‑a ‑ngia ‑nga [Tūmatauenga] Ka tapahi (i tētahi wāhanga) kia wehe rawa mai i te wāhanga matua. Ka hinga ki raro, ka topea te kāuru o runga (W 437).  poro (4)

3. ‑a ‑nga [Tūmatauenga] Ka tapahi kia hinga. (i) E 458 ngā eka o te ngāherehere kua oti te tope, me te rui ki te karaihe (TT 79, wh747). (ii) Nō te 11 o Māehe te haerenga atu o Hōne Heke ki te tope anō i te pou kara (TTR 1, 34). {autope, hātope, hautepe, hautope, tītope, tua}

tope2

1. [Haumia] ing. He rarauhe ka tupu mai anō i muri i te paunga i te ahi.

2. [Tūmatauenga] He pare mō te rae ka mahia ki te huruhuru manu.  (tope kura)

tope kura [Tūmatauenga] He pare mō te rae ka mahia ki te huruhuru manu. E whātai ake ana ki te tope kura i runga i te rae o Tamatea, he pōhoi toroa anō i ngā taringa (PH 3, 7). {hutukawa2, tope2 (2)}

3. [Tāne] He taio makawe kei te wāhi whakamua o te māhunga kua waiho kia roa te tipu, ka tapahi atu ai i te toenga kia poto. He rite tonu tana tope ki te tope kura i mahia ki te huru manu.  kōtare (2)

tope3

[Tūmatauenga] ing. He tānga, he tae kei tētahi mata, ka mahia ki te kōkōwai, ki te aha atu. Kātahi ka titiro atu a Uenuku ki te tope e mau ana i ngā kūhā o te wahine rā (W 437).