This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



toka1

1. [Papatūānuku] ing, āhua. Te hanga mārō, te hanga taumaha kei te kiri, kei te poho rānei o Papatūānuku, ka kitea anō e kōture mai ana i ōna anō wāhi i te whenua, i te wai rānei. (i) E tū mai ana ngā toka pākeho i ngā hiwi i Hinuera. (ii) Ka haere ki ngā toka i te wahapū hī ai. {kāmaka, kōhatu, kōwhatu, pōhatu, pōwhatu, teko} kōhatu (1)

2. ‑nga [Papatūānuku] mahp, ing, āhua. Ka mārō (o te wē). I roto i ngā tau kua toka mai ngā paru o aua repo.  totoka (1)

3. ‑nga [Ranginui & Papatūānuku] Kua tūturu te piri, kua mārō rānei te tū, he mahi nui e neke ai, e turakina ai, e whakakorea ai. Kia toka te whenua, kia toka ngā tāngata (WM 8, 24).  mau2 (1)

4. ‑nga [Ranginui & Papatūānuku] Kua ora te ngākau, kua tau te wairua, kua pai te noho. Kua toka au i konei, kei konei hoki aku hoa me ngā mea katoa e taunga ana au.  uruhau (2)

5. ‑nga [Ranginui & Papatūānuku] Kua tatū te ngākau, te wairua me ngā whakaaro i te mea kua eke, kua tutuki ngā hiahia. Toka te manawa (W 433).  ngata2

toka2

‑nga [Tangaroa] mahp, ing, āhua. Ka rere iho (te wai, te aha atu) i te niao o tētahi mea, i ngā paretai o tētahi rerenga wai, i te mea kua kī rawa. Kua toka te wai i te tāpu, kua mākū katoa te papa.  puhake (3)