This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



toi1

1. [Ranginui] ing. Te wāhi whakarunga rawa (o tētahi mea pērā i te maunga, te rākau, te taputapu, te kaupapa, te aha atu). (i) Tae atu ia ki te toi o tētahi maunga (W 431). (ii) Ka haere ake tōna atua i raro ka mau ki te toi o te hoe a te kaiwhakatere o tōna waka (W 431). (iii) I whakamārama mai a nehe mā, i piki ētahi mā te toi huarewa ki te toi o ngā rangi, arā, ki te runga rawa o ngā rangi tūhāhā (KRK 42).  tihi (1)

2. [Tāne] Tētahi o ngā wāhanga roroa e rima e hono ana ki te kapu o te ringa tangata. Kia iti tonu ngā toi o te tangata e tika ai tana pēpēhi haere i ngā pātene o taku waea pūkoro hou.  mati (2)

3. [Tāne] Tētahi o ngā wāhanga e rima i te pito o te waewae. Ko ngā toi noa iho ka kuhuna ki te wai, he mōhio nōna he tino makariri ngā roto o Te Waipoumanu.  mati (1)

4. [Tūmatauenga & Rongo] He rākau kotahi tuke pea te roa, ka whiua e tētahi ki tētahi i te kēmu tī rākau. Tīkina atu te toi, ā, māku koe e ako me pēhea te hiki.  tītī1 (1)

5. [Ranginui & Papatūānuku] Te pūtakenga mai o te tangata. (i) Ki te toi o te tangata i rauhītia ai e Iomatua i Te Honoiwairua (W 431). (ii) Taku tamaiti, ē, i puta mai rā koe i te toi kai Hawaiki (W 431). (iii) He toi tupu, he toi ora, he toi i ahua mai i Hawaiki (W 431).

toi whenua [Papatūānuku] Te wāhi i whānau mai ai te tangata. Ko Te Rapa te toi whenua o Horonuku (TTR 2, 140).  kōhanga (2)

toi whenua [Papatūānuku] Te wāhi nō reira mai te tangata, kei reira anō ētahi mea e arohaina ana e ia. Ahakoa haere au ki whea i te ao nei, ko Aotearoa tōku toi whenua.  kāinga (1)

6. [Tāne] Ngā mōhiotanga me ngā pūkenga o tētahi momo mātauranga, e tutuki ai rānei tētahi momo mahi. Kia mau ki te toi hanga whare, arā ki te whakatupu tangata (W 431).

mahi toi [Tangaroa] ing, āhua. Ngā hua ka puta ake i te wairua auaha o te tangata, hei kai mā te karu, mā te hinengaro, pērā i te whakairo, i te tukutuku, i te moko, i te whakaahua, i te whakapakoko, i te aha atu, i te aha atu. He maha ngā momo mahi toi i te whakaaturanga - he waituhi, he whakairo, he whakapakoko maitai, he tārainga kōhatu, he aha atu, he aha atu. {toi1 (7)}

7. [Tangaroa] Ngā hua ka puta ake i te wairua auaha o te tangata, hei kai mā te karu, mā te hinengaro, pērā i te whakairo, i te tukutuku, i te moko, i te whakaahua, i te whakapakoko, i te aha atu, i te aha atu. (i) I whai wāhi mai ōna anō tohunga o te toi puoro, o te toi whakaari, o te toi ataata ki te taiopenga. (ii) I reira ngā ringa toi rongonui o te ao Māori.  (mahi toi)

8. [Papatūānuku] ing. He wāhi tapu i mahia ai he hāngī, hei tahu i ngā para o te māra tautāne.

9. [Tāne] He momo harore whai pōtae koeko ka tipu i te kāinga mahue.

toi2

‑nga ‑tanga [Tāwhirimātea] mahp, ing, āhua. Ka āhua tere tonu te haere, arā, ka tere ake i te hīkoi, engari kāore i oma rawa. Ahakoa toi atu au ki te waea, tae rawa ake, kua mutu kē te tangi.  toitoi2 (1)

tōī1

1. [Tūmatauenga] ing. He kupu whakarite mō te toa whawhai.

2. [Rongo] He kete i rangā ki te aka, ki te kareao, hei whakatō kūmara. {tōiki2}

tōī2

‑tanga [Ranginui & Papatūānuku] mahp, ing, āhua. Ka noho mākū tonu me te tahe mai o ngā wai o roto. Tōī tonu a roto o te rākau (W 431).