This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tohe

1. ‑nga [Tūmatauenga] mahp, ing, āhua. Ka ū tonu ki tētahi mahi, ki tētahi whakaaro rānei, ahakoa e uaua ana, e whakahētia ana rānei e ētahi atu. (i) Me tohe tonu koe, kei te tika hoki tāu. (ii) Ka tohe tonu te tamaiti kia pā tana ringa ki te kapu wera, ahakoa ngā whakatūpato a tana māmā. {aumangea, aumangeo, aumou, hohota, hou4, kawe, mānawanawa, niwaniwa, ngana, pakepake, pikoni, pūnoke, pūtohe, taikaha, takakawe, tautohe, totohe, towhe, 4}

2. ‑nga [Rūaumoko] Ka rite tonu te inoi i te tangata kia mahi i tētahi mahi, kia whakaae rānei ki tētahi mea. Ka karanga atu hoki tērā ki a Kino i roto o te pā o Upokongaruru, 'E Kino ē, heke iho.' I mōhio ngā tāngata o te pā e patua ana a Kino e Tamahae, nō reira ka tohe kia noho ia (KRK 151).  kākari (1)

3. ‑a ‑nga [Tūmatauenga] mahw, ing, āhua. Kāore e whakaae ki te tono, ki te hiahia rānei o tētahi atu, kāore rānei e whakaae kia uru mai tētahi mea kāore e pai ki a koe. Kīhai hoki ia i tohe; whakatika tonu atu ki runga (W 430).  kape1 (2)

4. [Tūmatauenga] ing. Te koromāhanga o te pewa hopu manu.

5. [Tāne] Ngā hanga rite ki te miramira e anga whakaroto ana i te waha o te pūkaea. {tohetohe}

tōhē

1. [Whiro] ing. He tangata whānako. Whakatau ana te kōti me pupuri tētahi wāhanga o ngā moni whiwhi a te tōhē i ia wiki, kia ea rawa ngā moni i tāhaetia rā e ia.  whānako (2)

2. [Whiro] He tangata matapiko. Kāore te tōhē rā e homai i ētahi kongakonga noa iho nei, ahakoa te nui o te moni ki a ia.  matapiko (2)