This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



toa1

1. [Tāne] ing, āhua. Te mea tāne (o te manu, o te kararehe). Ko tētahi āhuatanga ahurei o te huia, ko te roa noa ake o ngā ngutu o te uwha i ō te toa.

2. ‑nga ‑tanga [Tūmatauenga] ing, mahp. He tangata māia kua tino eke i a ia ngā mahi a Tūmatauenga. I roto i tō rātou puni he nui ngā toa e kōrero whakamanamana ana mō te nui o ngā mea i hinga i te pakanga (IwiT 45:16). {kaitoa1, kikopuku, māia, matā (matā kai kutu), pakoko (pakoko tawhito)}

toa horopū [Tūmatauenga] ing. He toa taua e mātau ana ki te karo rākau. Tēnā te tohu nā te tipua ka mau kai te kiri o te toa horopū, he ringa kia tū atu (NM3 243, 20).

3. ‑nga [Tūmatauenga] Te ū tonu ki tētahi mahi uaua, ki tētahi mahi mōrearea me te kore e mataku, ahakoa rānei te mataku. Hīkaka tonu a Tūmatangaua māna tērā wāhi, kia kitea ai hoki tana toa me tana māia (IwiT 28:10).  māia (2)

4. [Tūmatauenga] Te tangata, te tīma rānei ka eke panuku i tētahi whakataetae, i tētahi tauwhāinga, hinga ana i a rātou te hoariri. (i) Kotahi te tangata kāore i hinga i te whakataetae, ko te toa tērā. (ii) He toa taua, mā te taua, he toa piki pari, mā te pari, he toa ngaki kai, mā te huhu tēnā (WM 11, 17). (iii) He toa tō te oma, ko a mua hoki toa ai (NP 770).

5. ‑nga [Tūmatauenga] āhua, ing, mahp. E ū tonu ana ki tētahi mahi uaua, ki tētahi mahi mōrearea me te kore e mataku, ahakoa rānei te mataku; e manawanui ana, e manawa kai tūtae ana. Rokohanga ka puta te rongo mō ana mahi toa kātahi ka tino kaha kē atu tōna ihi, tōna mana (TTR 1, 4).  māia (1)

6. ‑nga [Tangaroa] mahp, ing, āhua. Ka tūtū mai, ka pupuke mai (te mata o te moana) me te rere anō o te pūpūtai. Kua tuku haere te toa o te moana (W 429).  ngarungaru

7. ‑nga [Tūmatauenga] Ka puta ki runga ake i te katoa i tētahi whakataetae, i tētahi hākinakina, i tētahi pakanga, hinga katoa atu ētahi atu. (i) Ki te mīere te tamaiti, kua mōhio koe kei raro e putu ana, ā, kua toa ko te hoa (HM 8,2). (ii) Ka toa ko Tongariro. Ka oma a Taranaki, tū rawa mai i Taranaki. Ka oma a Tauhara, tū rawa mai i Taupō (HP 246). {wikitōria, wini3}

toa2

‑nga [Tāne] mahp, ing, āhua. Ka peke, ka tākaro i runga i te wairua ngahau pērā i te kūao kau, i te kūao hipi. Kei te toa ngā tamariki (W 429).  pepe1 (2)

toa3

[Tāne] ing. reo kē. He whare hoko taonga, hoko rawa, hoko ratonga anō pea ki te tangata. (i) I tonoa ahau e Māmā ki te toa hoko parāoa ai. (ii) Hei te rima o ngā hāora kati ai te nuinga o ngā toa o taua papa hokohoko.