This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tiwha

1. [Tāne] ing. He wāhi i te māhunga kua hewa, he wāhi rānei i te whenua kua horo, tētahi atu wāhi pēnei rānei. (i) Ka herua e ia ana makawe me te pōhēhē kāore tana tiwha e kitea. (ii) Ka whakatōkia he whiro ki te tiwha, kia kore ai e horo anō. {tiwa}

2. [Tāne] He wāhi i tētahi mata e rerekē ana te āhua i tērā e karapoti ana i a ia. (i) He tiwha nui kai te rae, he mā kai te matamata o te ihu, e toru waewae mā, he raho poka, he hōiho āhua nui (Wa 5, 47). (ii) Ko te tiwha parauri rā te wāhi i maringi ai taku kawhe.

3. [Tāne] He tohu iti pērā i te tongi, i te porohita iti rānei e mau mai ana ki tētahi mata. Ko te tiwha i taku ringa mauī nei te wāhi i werohia ai au ki taua rongoā ārai mate.  kōiraira

4. ‑nga ‑tanga [Tūmatauenga] ing, mahp. He taonga ka tukua, he kōrero ka whakapuakina, he waiata rānei ka waiatatia hei tohu ki ngā iwi e rata mai ana, e kimihia ana he āwhina i a rātou mō te haere ki tētahi pakanga. Kua mōhio a Te Maitaranui he tiwha taua waiata (W 427). {kara2, koha1 (4), ngākau, wāhi2 (3), whakapiko}

5. ‑ia ‑nga [Tāne] mahw, ing, āhua. Ka tāia he kōiraira (ki tētahi mea). Ka tiwhaia te poho o Rangi ki te whānau rā ririki (W 427).

6. ‑nga [Tāne] mahp, ing, āhua. Ka titiro ki tētahi mea me te paku kati i ngā karu. Nā te kaha karawhiu o te hau i tiwha ai au, kia kore ai aku karu e mate i te onepū.  karapa (1)