This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tiu

1. ‑nga [Tāne] mahp, ing, āhua. Ka rere ki te rangi, ka tauhōkai noa rānei i te rangi. Me tā tāua manu e whakaarorangi haere ana, me he kāhu e tiu haere ana i ngā mānia papatairite o te motu nei (HTK 1, 5).  topa (2)

2. ‑nga [Tāwhirimātea] Ka haere noa me te kore e āta whakaaro e haere ana ki hea, he aha rānei te take i haere ai.  hāereere (1)

3. ‑nga [Tāwhirimātea] Ka neke kia ngāwari noa, mai i tētahi taha ki tētahi, mai i mua ki muri rānei, me te mau anō o tētahi pito, me te mea nei rānei e mau ana tētahi pito. E tiu rā ki te muri, ē, ngā hurihuri mānuka i raro o Tumutara (W 426).  pīoioi2 (2)

4. ‑nga [Tūmatauenga] Ka āhua tere tonu, kāore e takamuri (ki te mahi i tētahi mahi, ki te whakaea rānei i tētahi āhuatanga). Kia tiu tonu te maranga, kei mahue koutou.  takaniti (1)

5. ‑nga [Ranginui & Papatūānuku] Kāore e tau te noho, kāore rānei e tau te wairua. E kore e au te moe ka tiu ana te ngākau.  ārewa (2)

6. ‑a ‑nga [Tūmatauenga] mahw, ing, āhua. Ka patu (i te hoariri) ki te rākau whawhai. Tiua atu, tiua mai, kua hinga anō te tangata (W 426).

7. [Tāwhirimātea] ing, āhua. Te aronga ki tō taha mauī ina titiro koe ki te aranga ake o te rā. Kei te tiu o Aotearoa a Whiti.  raki1 (1)

8. [Tāwhirimātea] Te hau ka pupuhi mai i te raki. Me kore ake te tiu i kore ai e toro te ahi ki te raki.  hauraro (1)