This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



titiro

1. tirohanga [Tāne] mahp, ing, āhua. Ka ū ngā kanohi ki tētahi mea kia āta kitea ai taua mea, ki tētahi wāhi rānei kia kitea ai he aha kei reira. Titiro atu ki ngā pārera rā kua tau ki runga i te wai. {kaikanohi, kekeno, mōtoi2, tiro, whakaata}

titiro mākutu [Tūmatauenga] Ka titiro (ki tētahi mea) i runga i te ngākau kaiapo. Ka titiro mākutu mai ia ki tōku kākahu (W 424).

titiro whakatau [Tūmatauenga] mahp, ing, mahw, āhua. Ka āhua roa tonu e āta titiro ana ki tētahi mea me te kore e aro atu ki tētahi atu hanga. (i) Ka titiro whakatau atu ki te wahine e haere mai ana, ka mahara ake nō hea. (ii) Kei te titiro whakatau mai ki a ia, ki ngā tohu o te rangatira, o te toa, e mau atu ana i runga i a ia (Wh 3, 5). {matawai, whakatare, whakataretare}

tohunga titiro mata [Tūmatauenga] ing. Te tangata ka kite i tētahi tohu, i tētahi hanga e mōhiotia ai he aha ka pā āpōpō, ka whakamārama rānei i ngā tohu ka puta, ka kōrero ki ngā atua kia mōhio ai he aha ka pā āpōpō. E kaha ana hoki ngā tohunga titiro mata ki te patu i ngā tohunga mākutu, ā, ka wehi ngā tohunga mākutu ki ngā tohunga titiro mata (H 62).  matakite (1)

2. tirohia ‑hanga [Tūmatauenga] mahw, ing, āhua. Ka āta tiro ki tētahi mea, ka matawai i tētahi mea, kia tino kitea ai, kia tino mōhiotia ai tōna āhua. (i) Ka puta atu te ruahine rā ki waho, titiro atu ai i te ope rā (N 80). (ii) Kātahi ka āta tirohia te moana, auē, kāhore i reira (N 133).  tirotiro (2)

3. [Tūmatauenga] ing. Te āhua o te whakaaro ki tētahi mea. (i) I te whānautanga mai o tana pēpi kua hou katoa tāna titiro ki te ao. (ii) Ahakoa te rerekē o te titiro a tēnā, a tēnā, e whakapono katoa ana ki te tika o te kaupapa. (iii) Mōhio ana au, he rerekē te titiro a tēnei iwi ki tērā iwi mō tēnei āhuatanga (Wh 39, 2). {tirohanga}