This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



titi1

1. ‑a ‑nga [Tūmatauenga] mahw, ing, āhua. Ka kuhu atu i tētahi mea koi, i te pito koi rānei o tētahi mea, ki roto i tētahi atu hanga. (i) Ka titia atu he rākau ki te whenua hei tohu i ngā kokonga e whā o tō rāua whare hou taihoa ka hangaia. (ii) Ka titia atu te heru ki tana tikitiki. {hokahoka, pou1 (4), taki2, tautiti, tia1, tīhoka, titipou, tītiti}

titi roa [Tāne] mahp, ing, āhua. He makatiti roa hei wāwāhi rākau. Paoa atu ana te titi roa, hāmama kau ana te rākau.

2. ‑a ‑nga [Tūmatauenga] mahw, ing, āhua. Ka whakamau atu (i tētahi mea ki tētahi atu hanga) ki te tia, ki te whao, ki tētahi atu mea pērā rānei. (i) Tīkina atu he nēra, ka titi ai i te whakaahua nei ki te pakitara. (ii) Titia te papa nei (W 425). {karatiti, makatiti1 (3), mātiti, taratiti}

3. ‑a ‑nga [Tūmatauenga] Ka whakarākei i te māhunga (ki te hurumanu), he mea āta kuhu atu ki ngā makawe. (i) I titia hoki ki titireia (W 425). (ii) Ka titia tana māhunga ki te rau huia.  tia1 (2)

4. ‑nga [Ranginui] mahp, ing, āhua. Ka whakaata, ka whakaputa rānei i te aho.  Ka whakamahia nuitia mō te marama me te rā. (i) Tangohia ana e rāua te puru, nā, titi tonu te rā ki roto (W 425). (ii) E titi koia, e te atarau, tīaho i runga rā (W 425).  kōwatawata (2)

5. [Tāwhirimātea] ing, āhua. He kapua tāekaeka roroa te hanga. Ko ana hina, me te titi te rite.

6. [Rūaumoko] ing. Ngā rārangi tānga moko ka rere whakawaho mai i te pokapū o te rae.

titi2

1. ‑nga [Papatūānuku] āhua, ing, mahp. E tino kaha ana te rōnaki. He titi rawa te ara nei mō te paihikara - me haere mā raro.  poupou1 (5)

2. [Tāne] ing. He hanga rite ki te kakī mō runga i te tahā, i hangaia ki te rākau, i āta whakairohia a waho, he moani a roto, i waruwaruhia kia noho pai mai ai ki te waha o te tahā. I mahia he kōhao i te tapa whakararo o ētahi kia pai ai te tui atu ki ngā kōhao kua mahia mai ki te tapa whakarunga o te tahā. Ko te rau rangiora kei te kōpani i te titi o te tahā huahua.  ngutu (4)

tītī1

1. [Tūmatauenga & Rongo] ing, āhua. He rākau kotahi tuke pea te roa, ka whiua e tētahi ki tētahi i te kēmu tī rākau. {toi1 (4)}

tītī tōrea [Tūmatauenga & Rongo] ing. He kēmu e makaia ai ētahi rākau poto tētahi ki tētahi, me te waiata i tētahi waiata.  2 (tī rākau)

tītī tourea [Tūmatauenga & Rongo] He kēmu e makaia ai ētahi rākau poto tētahi ki tētahi, me te waiata i tētahi waiata.  2 (tī rākau)

tītī touretua [Tūmatauenga & Rongo] He kēmu e makaia ai ētahi rākau poto tētahi ki tētahi, me te waiata i tētahi waiata.  2 (tī rākau)

2. [Rūaumoko] He tānga moko i te rae.

tītī2

1. ‑tanga [Tāne] mahp, ing, āhua. Ka whakaputa oro pērā i te tangi a te kiore, i te tangi rānei a ētahi manu pērā i te pihipihi, i te tīrairaka. Ka tītī mai te kiore i te raupō (W 414).  koe3

2. [Tāne] ing. He manu tāwhai tai, he pango parauri, he kiwikiwi parauri a raro, he kiwikiwi a raro i ngā parirau, he karu hāurauri, he ngutu pakohe, he parauri pango, he poroporo ngā waewae, he poroporo anō ngā huirapa. Puffinus griseus. {hakeke, hākēkeke, hakoke, hakoko, koakoa2, kuaka, ngungu, ōi1 (3), takakau2, totorore}

3. [Tāne] He manu tāwhai tai, he mā te rae me ngā tukemata, he kiwikiwi te tumuaki, te ua, me ngā pakihiwi, he pango parauri te hope, he pango ngā parirau, he mā a raro, he ngutu pango, he waewae kikorangi, he kōwhai ngā huirapa. Pterodroma cookii.

tītī wainui [Tāne] He manu tāwhai tai, he kororā a runga, he mā a raro, he pango, he kahurangi ngā parirau, he poto ngā ngutu, he karu parauri, he waewae kahurangi, he kiwikiwi ngā huirapa. Pachyptila turtur.