This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tira

1. [Tūmatauenga] ing. He tāngata e tū matatira mai ana. E rua tekau ngā tamariki kei ia tira o te rōpū.  kapa (1)

2. [Tūmatauenga] He huinga tāngata e whai tahi ana i te huarahi kotahi ki tētahi wāhi. Ka hiki te tira, ka haere ki te hui a Rātana.  ope (6)

3. [Tāne] He pou roroa tūtika hei whakairinga mō ngā kōmaru o te waka. Kia kaha te here i te rā ki te tira.  tokotū (1)

4. [Tangaroa] Ngā hanga o te ika e hoe haere ai ia i te wai, e tautika ai tana haere.  pakipaki1 (6)

5. [Ranginui] He rerenga aho ka whiti mai i te rā, i te whetū, i tētahi atu hanga rānei. (i) Ngā tira o Autahi (W). (ii) He teitei rawa te rere o ngā tira o tō motukā - ka pura noa te hunga kei tērā taha o te huarahi e haere ana.  pūhihi (1)

6. [Rongo] He rōpū kua āta whakaritea kia waiata tahi. Takitakina e Hora te hū o te puoro kia whai rā koe te tira te rōreka (NM3 209, 67).

tira rōreka [Tūmatauenga & Rongo] He rōpū ka waiata tahi. Whakanōhia ana a Īnia e Te Hīmoa hei kaiwaiata hīanga, hei mema anō hoki mō te tira rōreka (TTR 5, 225).  (tira waiata)

tira waiata [Tūmatauenga & Rongo] He rōpū ka waiata tahi. Uruuru tonu te mahi a taua rōpū waiata ki roto i ngā whakataetae tira waiata i ngā hui nui (TTR 4, 164). {koaea, (tira rōreka)}