This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tipua

1. [Ranginui & Papatūānuku] ing, āhua. He hanga maruwehi, he hanga whakamataku he kaha motuhake anō tōna, ko tōna whakatinanatanga ko te tangata, ko te rākau, ko te toka, ko te aha atu. (i) Kei runga motu te tipua nei e takoto ana, he kōhatu (KRK 25). (ii) Ka tae ki tētahi wāhi; ka whakarērea iho e ia tētahi o āna kurī, he tipua (Wh 36, 6). (iii) Ka kitea he waka taua e hoe ana i roto o Tarawera Moana, e hautū ana ngā kaihautū, e ngū ana ngā kaihoe. He tokomaha i kite, i rongo hoki, e ai tā te kōrero. Otirā ehara i te waka tangata engari he waka tipua (Pi 35, wh7). {kākarepō, tupua, whakahaehae2}

2. [Tūmatauenga] ing. He tauhou, he tangata nō whenua kē. Ko te kai onamata, he hinu rā, he mīmiha, he pakake rā, ko te kai a te tipua, he wai rama (NM3 247, 10). {taewa, taewha, taiawa3 (1), taiwa, taiwha, tupua}

3. [Tāne] He tangata he pūmanawa whakaharahara ōna ki tētahi kaupapa, ki ētahi kaupapa. Me tuhi ake ki tēnei wāhanga o ā tātou kōrero ngā kōrero a Paratene Ngata, te matua o Tā Āpirana, mō te whānautanga o tāna tama, kia kite iho ai koutou tamariki mā, he tipua tēnei tangata (Wh 12, 1). {tupua}

4. [Whiro] He taniwha weriweri, he taniwha whakamataku, he taniwha whakatūpato.  atua (3)

5. ‑tanga [Ranginui & Papatūānuku] āhua, ing, mahp. E rerekē ana i tērā e mōhiotia nuitia ana, e kitea nuitia ana, e whakaaetia nuitia ana. He kōrero tipua ēnei kāore e whakaponotia ana, engari ia, he kōrero tino tika (Wh 12, 1).  korokē (3)

6. ‑tia ‑tanga [Tūmatauenga] mahw, ing, āhua. Ka kawe ki tawhiti, ahakoa te hiahia o te mea e kawea ana, o tētahi atu rānei kia kaua e pērātia. E tangi hotu ana ngā mātua i te pouaka whakaata kia whakahokia mai tā rāua tamaiti i tipuatia e wai rā.  kahaki (1)