This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tipa1

1. [Tangaroa] ing. He mātaitai whai kokopi kōwhiuwhiu te hanga, 16 henemita te tupu, ka kitea ki tai takoto haere ake, he mā, he kōkōwai, he waiporoporo rānei te anga, he papatahi a runga, he tiriwhana a raro, he rara e rere ana i te anga whai taringa ōrite. Pecten novaezelandiae. {kopa1 (8), kuakua, pure2, tipai, tupa}

2. [Tangaroa] He mātaitai whai kokopi kōwhiuwhiu te hanga, e 6 henemita te tupu, he noho tai hōhonu, he mā, he kōwhai, he karaka, he whero, he māwhero rānei te anga, he horotea ake, he papatahi ake tētahi taha i tētahi. Zygochlamys delicatula. {kuakua, pure2, tipai, tupa}

tipa2

1. ‑nga [Tāwhirimātea] mahp, ing, āhua. Ka whai he ahunga kē, he ara kē mō tētahi wā. Māku rātou e ārahi kia mōhio ai rātou ki whea tipa atu ai.  peka (6)

2. ‑nga [Tāwhirimātea] Ka motu iho i tētahi momo here, ka karo rānei i tētahi āhuatanga mōrearea. Waiho pokerehū ana te keti kia tuwhera, ao ake, kua tipa ngā kararehe ki wīwī, ki wāwā.  oma (3)

3. [Tūmatauenga] ing. He ope iti ka rere ki mua o te ope matua.

4. [Tūmatauenga] ing, āhua. Te patunga ohorere i te hoariri e tētahi ope e noho huna ana; te ope nāna tēnei mahi. I te hipanga atu o te ope, ka whakaekea e te tipa i noho huna rā ki te ururua.  kokoti (6)

tīpā

‑nga ‑tanga [Ranginui & Papatūānuku] mahp, ing, āhua. Kua kore he wai, he paku mākū rānei o roto, kua maroke katoa. Mātititi ana te whenua i te kaha tīpā.  pakoko (1)