This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tina1

1. ‑tanga [Ranginui & Papatūānuku] mahp, ing, āhua. Kua tūturu te piri, kua mārō rānei te tū, he mahi nui e neke ai, e turakina ai, e whakakorea ai. Ka honoa ki te hono, ki te whakanoho o te manawa tina, o te manawa toka (W 419).  mau2 (1)

2. ‑nga [Ranginui & Papatūānuku] Kua ora te ngākau, kua tau te wairua, kua pai te noho. (i) He tina ki runga, he tāmore ki raro (W 419). (ii) Ka tina taku poho i te kainga i te roro pirau o Nohomutu (W 419).  uruhau (2)

3. ‑nga [Ranginui] Kua tino pau te hau - taha tinana, taha wairua rānei - i te whakapaunga kaha ki te mahi, i tētahi āhuatanga pēpēhi wairua rānei. Kua tina ngā mātua i te kaha anipā kei kore e hoki ora mai tā rāua tamaiti.  tūrohi (2)

4. ‑tanga [Ranginui & Papatūānuku] Kua tatū te ngākau, te wairua me ngā whakaaro i te mea kua eke, kua tutuki ngā hiahia. Ka tina taku poho i te kainga i te roro pirau o Nohomutu (W 419).  ngata2

5. ‑tanga [Ranginui & Papatūānuku] āhua, ing, mahp. E uaua ana te tiko i te mārō o ngā tiko. Kua tina te kōpū (W 419).

tina2

‑nga [Tūmatauenga] ing, mahp, āhua. reo kē. Te kai o te poutūtanga o te rā. (i) He henuwiti, he huarākau taku tina i ngā rā katoa - paki mai, āwhā mai. (ii) Tina ai mātou i te haurua mai i te tekau mā rua o ngā hāora i te ahiahi.