This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tihoi1

1. ‑nga [Tāwhirimātea] mahp, ing, āhua. Ka haere ki tawhiti. (i) Ka utua atu e Whitipatatō, 'Waiho, māku e tihoi noa ake i te tahora nei.' Waiho tonu iho ko Te Tihoi te ingoa o taua mānia i puta ai taua kōrero (IwiT 29:15). (ii) Ka tihoi te hōiho, nāwai ā, kua whakanamunamu kau i te pae.  tāwhai (2)

2. ‑nga ‑tanga [Tāwhirimātea] Ka whai he ahunga kē, he ara kē mō tētahi wā. Me tihoi au mā konei (W 416).  peka (6)

3. ‑nga ‑tanga [Tāwhirimātea] Ka haere noa me te kore e āta whakaaro e haere ana ki hea, he aha rānei te take i haere ai. Me hanga rā he pākorokoro kia kore ai ngā poaka e tihoi haere.  hāereere (1)

4. ‑nga ‑tanga [Tāwhirimātea] āhua, ing, mahp. Ka haere noa ki hea, ki hea, kāore e tau te noho ki tētahi wāhi. He tangata takapau pōkai, he tihoi, kāore ōna kāinga tūturu.  parahaere

tihoi2

1. ‑nga [Rūaumoko] āhua, ing, mahp. E whakaputa ana i te oro kaha e tioro ai ngā taringa; he oro e pēnei ana te āhua. Tihoi ana te katakata a ngā wāhine rā - me hoko he puru mō aku taringa.  hoihoi (1)

2. ‑nga [Tūmatauenga] Kāore e whakarongo. Ka kīia atu kia kaua e raweke, na kua pakaru i te tamaiti tihoi nā.  kōroiroi (taringa kōroiroi)