This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tia1

1. ‑ina ‑nga [Tūmatauenga] mahw, ing, āhua. Ka kuhu atu i tētahi mea koi, i te pito koi rānei o tētahi mea, ki roto i tētahi atu hanga. Ka tiaina he titi ki tahi pito, ki tahi pito, kātahi ka herea he tuaina ki waenganui hei tohu i te wāhi e whakatūria ai te taiapa.  titi1 (1)

2. ‑ina ‑nga [Tūmatauenga] Ka whakarākei i te māhunga (ki te hurumanu), he mea āta kuhu atu ki ngā makawe. (i) Ka tia hoki i tōna māhunga ki te raukura (Pi 133, wh11). (ii) Ko te māhunga i tiaina ki te huia, ki te kōtuku (Wh 4, 4). {titi1 (3)}

tia2

1. [Tūmatauenga] ing, āhua. He tangata kore mana ka mauheretia hei kaimahi mā tētahi atu. Me pahore ngā tuarā o ngā tia ka tika!  pononga2 (1)

2. [Tūmatauenga] ing. He tangata ka noho tahi ki te rangatira ki te āwhina i a ia, hei whakawhirinakitanga rānei mōna; he tangata noho tahi ki tētahi atu, ka utua kia mahi i ngā mahi o te kāinga. (i) E hia hāora ngā tia e whakapīata haere ana i ngā papa. (ii) Ka karanga atu ngā tāngata 'Ināia, tā mātou nei tia' (W 414).  rōpā (2)

tia3

1. [Tāne] ing. Te putunga kai i roto i te tinana, te wāhi e emi tuatahi ai ngā kai i mua i te neketanga atu ki ngā terotero. Kua kokō te tia i te hiakai.  puku1 (2)

2. [Papatūānuku] Te wahine nāna i puta ai tētahi tamaiti ki te ao, nāna rānei ia i whakatipu. Kei te tino ora rawa atu te pēpē, engari kei te hōhipera tonu te tia - i pā he raru i te whakawhānautanga.  whaea (1)

tia4

‑ina ‑nga [Tūmatauenga] mahw, ing, āhua. Ka kikini iho (i te kutu, i te riha) ki ngā matikara, ka tango ake i te mātenga, i te weu. Kua kore e tino tia kutu i ēnei rā, heoi te mahi he patu ki te rongoā ka heru mai.  hākure

tia5

‑ina ‑nga [Tūmatauenga] mahw, ing, āhua. reo kē. Ka ārahi i te waka kia mau ai ki te ara e whāia ana. Ko tā koutou he hoe, waiho mai māku tō tātou waka e tia.  urungi (2)