This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



taute

1. ‑a ‑hia ‑nga ‑tanga [Tūmatauenga & Rongo] mahw, ing, āhua. Ka taka (i te kai) kia rite ai mō te tununga. Ko te taute i ngā huawhenua te mahi nui ina tunua he kai Hainamana.

2. ‑a ‑tia ‑nga ‑tanga [Papatūānuku] Ka mahi i ngā mahi o ia rā, i ngā mahi auau rānei e mau tonu ai, e pai ake ai rānei te noho ora o tētahi mea. Kua kaha rawa tōna mate, kua kore a ia e taea te taute i te kāinga.  tiaki (1)

3. ‑a ‑tia ‑nga ‑tanga [Tāne] mahw, ing, mahp, āhua. Ka āta tirotiro, ka āta poipoi ki te hinengaro. Ka noho anō rātou ki te taute ko tēhea te tono whaikiko ake.  whakaaroaro

4. ‑a ‑hia ‑nga [Tūmatauenga] mahw, ing, mahp. Ka whakarite (i tētahi mahi), ka mahi rānei (i tētahi mahi) kia oti. Māku anō tērā e taute (PTa).

5. ‑nga ‑tanga [Ranginui & Papatūānuku] mahp, ing, āhua. Ka rongo, ka whakaatu anō i te pōuri nui, i te matenga o tētahi tangata, o tētahi mea rānei e aroha nuitia ana. (i) Me taute te iwi i tōna matenga ka tika - nāna hoki i puea ake ai rātou i te rawakore. (ii) Ka taute noa au i konei (W 404).  taurere

6. ‑nga ‑tanga [Ranginui & Papatūānuku] Ka raru te ngākau, ka hē te wairua i te mahinga o tētahi mahi hē, i te mōhiotia rānei o tētahi mahi e whakaarotia ana kāore i tika, kāore i pai. Taute ana au i ngā kōrero whakameremere a taku tungāne.  whakamā (2)

7. [Tūmatauenga] ing. He whiunga kupu tētahi ki tētahi me te pukuriri anō. Kaua noa koe e māharahara ki tā māua taute i te ata nei - he tautohe hauwarea noa iho.  tautohe (4)