This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tara1

1. [Tangaroa] ing. He hanga koi e rite ana ki te ngira e puta ake ana i tētahi mea pērā i te ika, i te kararehe, i te tipu rānei. (i) I tū tana ringa i ngā tara o te kina. (ii) Kia tino tūpato i te tara o te whai.  tarakina (2)

tara a Māui [Tāne] He rākau 15 mita te tupu. Pseudopanax crassifolius.  horoeka

2. [Tangaroa] Te tarakina i te hiku (o te whai). E rua rawa ngā tara kei te hiku o ētahi whai. {hoto2, wero}

3. [Papatūānuku] Te wāhi whakarunga rawa (o te maunga). Rā te pūkohu tāiri ana mai te tara ki Tautari (W 386). {tautara}

4. [Ranginui] Ngā hihi o te rā ka kitea i mua i tōna aranga ake i te pae. (i) Puta rawa mai te tara o te rā, kei runga o Pouarua e haere ana (W 386). (ii) Ātaahua ana tērā te kite i ngā tara e toro ana i te pae i te ata pūao.

5. [Tūmatauenga] Te ū tonu ki tētahi mahi uaua, ki tētahi mahi mōrearea me te kore e mataku, ahakoa rānei te mataku. He tangata whai tara a Tūwhakairiora (W 386).  māia (2)

6. ‑nga [Ranginui] mahp, ing, āhua. Ka iti haere (te wāhi o te marama e mārama ana). E tara kau ana te marama, āpōpō mate ai (W 386).  roku (1)

tara kore [Ranginui & Papatūānuku] Ka kaha kore, ka ngākau kore, kāore e hiahia kori ake i te ngenge, i te māuiui. Kua aua atu te wā e mauheretia ana ia mō te kore noa iho - nā whai anō i tara kore ai.  ngoikore (2)

7. ‑nga [Rongo] Ka wana mai ngā rau takirua tuarua, arā, ngā mea whai mai i ngā rau kākano (o ngā tipu pērā i te hue). Kua tara kē ngā kamokamo ka tīkona e te hukapapa.

8. tarā ‑nga [Tūmatauenga] mahw, ing, āhua. Ka whakararu i te tau o te noho, i te tau o te wairua, i te takoto rānei o tētahi mea. Nā wai i tara ngā huruhuru o tērā, inā kua amowheke katoa!  raweke (3)

9. tarā ‑nga [Tāne] Ka tītipi (i te tangata, i tētahi mea rānei) ki te karakia. E Whare ē, tarā te rangi kia mao ai (W 386).

tara2

1. ‑nga [Tāne] mahp, ing, āhua. Ka whakaputa oro ukiuki, he mārū, he ngateri anō pea, pērā i te rere a te pī, a te ngaro. Te kihikihi tara ki te waru (W 386).  tamumu

tara koekoeā [Tūmatauenga & Rongo] ing. He tākaro nā te tamariki e kapu ai ngā ringa, engari ka waiho te kōroa kia toro tonu. Kua tāpatupatu ngā ringa o te katoa, kua waiata. Ina whakahuatia te 'tara koekoeā' o te ruri, kua mahi katoa kia pā te takoroa ki te ringa o tētahi atu, ka whakahoki ai ki muri o te tuarā. Ki te pā te takoroa o tētahi ki tōu ringa, kua hinga koe. Anei te ruri ka haere tahi ki te tara koekoeā. 'Ka haere, ka haere a Pāora, ki te wero kūkū, ki te wero kākā, ka tangi te tara koekoeā.'

2. [Tūmatauenga] He kōrero ka hariharia e te tangata, ehara pea i te kōrero pai, i te kōrero pono rānei. E hika mā, whakarongo mai ki te tara ka iriwharetia (W 386).  kohimu (5)

3. [Tūmatauenga] He kōrero mō tētahi mahi e whakaarotia ana he tino kino, e riri ai te iwi, te marea. He patupatu wahine te tara i tāoro mō te kāpene o te tīma toa o Aotearoa.  heitara

tara3

1. [Tāne] ing. He ingoa whānui mō tētahi whānau manu tai, he whāiti iho te tinana o te nuinga i tō te karoro, te tarāpunga rānei, he hiku tokomanga ō ētahi. Ka tere te tangata i Te Moana-o-Raukawa, he tara te hoa haere o te waka. Sterna spp.

2. [Tāne] He manu tai, he pango te tumuaki me te ua, he mā te rae, he kiwikiwi a runga, he mā a raro, he mā, he roa, he tokomanga te hūmaeko, he pango ngā karu, he pango ngā ngutu, he mā te pito, he pango, he karaka rānei ngā waewae. Sterna striata. {(tara pirohe)}

tara pirohe [Tāne] He manu tai. Sterna striata.  tara3 (2)

3. [Tāne] He manu tai, he kiwikiwi, he pango te upoko, te rae me te ua, kia whakaipoipo he pango katoa, he huru mā kei raro iho i ngā karu pango, he kiwikiwi te nuinga o ngā huruhuru, he mā ngā papa, he karaka ngā ngutu. Sterna albostriata. {(tara pirohe)}

tara pirohe [Tāne] He manu tai. Sterna albostriata.  tara3 (3)

tara iti [Tāne] He manu tai, he mā, he pango te rae, he pango te pito o ngā ngutu, kia whakaipoipo he kōwhai ngā ngutu, he mā katoa te rae, he kiwikiwi te tinana a runga, he mā a raro, he pango te tumuaki me te ua, he tāhei pango kei mua o ngā karu engari kāore e tae rawa ki ngā ngutu, he tokomanga te hūmaeko, he karaka ngā waewae. Sterna nereis. {(tara teo), (tara teoteo)}

tara teo [Tāne] He manu tai. Sterna nereis.  (tara iti)

tara teoteo [Tāne] He manu tai. Sterna nereis.  (tara iti)

tara4

[Tāne] ing. Tētahi o ētahi taha o te whare e toko ake ana i te tuanui. Kei te tara o te whare ngā whakaahua e tare ana.  pakitara1

tara iti [Tāne] Te wāhi ki te taha mauī ina kuhu te tangata ki roto i te wharenui. Ko te hau kāinga kei te tara iti, ko ngā manuhiri kei te tara nui.  kopa3 (2)

tara o Tawheo [Tāne] Te wāhi ki te taha mauī ina kuhu te tangata ki roto i te wharenui.  kopa3 (2)

tara nui [Tāne] Te taha matau o te wharenui i te hounga atu, te taha ki te manuhiri. (i) Ko rātou ki te tara nui o te whare moe ai, ko te tangata whenua ki te tara iti (Wh 46, 3). (ii) Hei konei ka tīmata ngā mihi ā-whare, mai i te tara iti, ā, huri noa ki te tara nui (Wh 46, 3). {(tara whānui)}

tara whāiti [Tāne] Te wāhi ki te taha mauī ina kuhu te tangata ki roto i te wharenui.  kopa3 (2)

tara whānui [Tāne] Te taha matau o te wharenui i te hounga atu, te taha ki te manuhiri. Ko te tangata whenua i te tara whāiti e noho ana, ka whakanohohia mātou i te tara whānui (Wh 44, 2).  (tara nui)

mate tara ā-whare [Ranginui & Papatūānuku] Te mate noa iho nā te eke o te wā, kua mutu te wāhi ki te tinana, kua koroua, kua kuia. (i) I mate tara ā-whare, i a ia e moe ana. (ii) He tangi tēnei nāna mō tana tama mō Te Waikari i mate tara ā-whare, ā, i whakapaea he mea whaiwhaiā (TT 89, t142). (iii) Ko te matenga tēnei o Te Momo, he toa, kāore i mate tara ā-whare (TT 100, wh1943). {koeo1 (mate koeo), (mate taratara whare)}

mate taratara whare [Ranginui & Papatūānuku] Te mate noa iho nā te eke o te wā, kua mutu te wāhi ki te tinana, kua koroua, kua kuia. I mate taratara whare te koroua rā.  (mate tara ā-whare)

tara5

1. tarā ‑tia ‑nga [Tūmatauenga] mahw, ing, āhua. Ka tuku (i tētahi mea) kia tangatanga, kia kore ai e kikī rawa, e ita rawa. Wetea te tau o ō kahu, tarā te tau o ō kōrua pūeru (W 387).  whakatangatanga (1)

2. tarā ‑tia ‑nga [Tāne] Ka mahi kia noho motuhake mai tētahi mea i te wāhanga matua, i te nuinga, i tētahi rōpū, i tētahi atu hanga rānei. Tarā atu ngā whārangi kikorangi i ngā whārangi mā, ka karapiti ai.  wehe1 (1)

3. ‑nga [Tāwhirimātea] mahp, ing, āhua. Ka tutuki, ka oti (tētahi haere, tētahi mahi, tētahi āhuatanga) i roto i te wā poto. Kia tara te haere, kei mahue koutou.  tere (2)

tara6

[Papatūānuku] ing. Te pū (i te tinana wahine, i te tinana uwha) atu i te kauraho ki te kōpū. (i) E āta tirohia ana e te tākuta te tara o te kōtiro kia mōhiotia ai mēnā i rahua ia. (ii) Ka rawe rā māua ko taku tara ki te hāpai ewe ki ngā whenua (NM2 142, 15). {hanahana1, hanga (hanga kino), kiko, kikokiko, kiritore, kōtaratara2, mokakati, nono, puapua2, puta1 (3), rapa4, ropi2, taiawa1, tamu, tapa1 (3), teke, tenetene, tewhatewha, toke1 (3), tore2 (4)}

tāra

[Tūmatauenga] ing. reo kē. He moni e rite ana te wāriu ki te kotahi rau hēneti. He maitai te kotahi tāra me te rua tāra o Aotearoa, he pepa ngā mea nui ake i tērā te wāriu.