This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



tapu

1. ‑nga [Tūmatauenga] āhua, ing, mahp. Kei raro i te mana o ngā atua, o te wāhi ngaro, kei raro rānei i ngā here o te whakapono, e rāhuitia ana, kāore e tika ana kia takahia, kia raweketia. (i) Ko te tino urupā tapu whaimana hoki o Ngā Puhi, e kore e taea e wai tangata te hahu ake o te tūpāpaku ina tanumia ki taua urupā (TT 31, wh4). (ii) Ko te upoko te wāhi tapu katoa o te tinana tangata.

waewae tapu [Tūmatauenga] ing. He tangata e tauhou ana ki tētahi whenua, ki tētahi marae, ki tētahi wāhi rānei. (i) Ka hoki mai a Pango ki Ōhinemutu nei tatari atu ai i te manuhiri tūārangi, i te waewae tapu ki Rotorua (TT 41, wh152). (ii) E kīia ana, mēnā ka whakatata atu he waewae tapu, kāore i roa ka ua te rangi (Wh 36, 6). (iii) E koro, Taupopoki, me Te Wheoro, he waewae tapu kōrua ki runga i a Ngāti Kahungunu, i runga i ēnei tū āhua hui (TT 33, wh27). (iv) Kātahi rawa pea te kura i pēnei rawa ai te nui o te waewae tapu ki ngā kura nei (HM 12, 2).

2. ‑nga [Tūmatauenga] āhua, ing, mahp. Kei tua atu i te kaha o tētahi, kāore e taea. (i) Tokowhā ōna hoa i kainga katoaria e ia; kotahi i tapu, ko Tāwhiri (W 385). (ii) Ko te tiketike o ngā maunga hei wahawahanga mō ngā kōiwi, i tapu ai Rotorua (W 385).

3. ‑nga [Tūmatauenga] E tika ana kia noho (te kōrero) ki waenga i ngā tāngata anake kua whakaritea kia mōhio. (i) He kōrero tapu ērā - kia kaua e whākina ki ētahi i waho atu o te kāhui kairangahau. (ii) Ko te tikanga ia ka noho tapu tonu ngā whakaaturanga muna. {matatapu}

4. ‑nga [Tūmatauenga] ing, mahp, āhua, tūkē. Te mana atua me ōna here ka noho i runga i ngā momo mea maha tae noa ki te tangata, ki te takahia, he aituā, he mate rānei ka pā; ka taea hoki te whakanoho mai, te hiki, te whakanoa rānei. {kura1 (12), rongomaiwhiti}