This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



taku1

‑nga ‑tanga [Tāwhirimātea] āhua, ing, mahp. Āta haere, āta mahi rānei i tētahi mahi, arā, kāore i tere. He taku te haere o te tangata rā; tē hohoro tē aha (W 374).  pōturi (2)

taku2

1. [Papatūānuku] ing. He hanga e whai haere ana i te tapa o tētahi mea, e karapoti ana, e taiapa ana i taua mea. (i) Ka whakatakotoria he ponga kia ūngutungutu, huri katoa i tana māra, koia hei taku mō te māra. (ii) Hei hanga i te taku mō tana whakaahua o te tahamoana, ka whakapiria atu he anga pakupaku ki ngā tapa e whā.

2. [Tāne] Te tapa whakarunga rawa o te waka. Ka whakatangihia mai te aho ki te taku o te waka, arā ki te niao (W 374).  niao (1)

3. [Papatūānuku] He wāhi totohu whakaroto i tētahi mata. Ka kite mātou i tētahi tōrea e awhi ana, i te rerenga atu, ka kite iho he taku noa i te onepū tana kōhanga.  arearenga

4. ‑a ‑nga [Tāwhirimātea] mahw, ing, āhua. Ka taiāwhio haere me te piri anō ki te tapa o te mea e taiāwhiotia ana. Ka tae ki tētahi wāhi, e haere ana te kōtare, ka kīia e Tamatea, 'Taku wao ana te haere o te manu nei!' (Arā, e ū ana ki te tapa o te wao.) (W 374)

taku3

[Tāne] tkp. Te kupu māmā mō te 'tāku' me te 'tōku', heoi anō, e taea ana te whakamahi i ngā wāhi anake ka whai i muri tonu mai te mea e whakaingoatia ana. (i) Ko taku hoa tēnei - ko māua māua i te whare wānanga. (ii) Kua ruaki taku kurī, he kaikai pātītī nōna.  tōku, tāku, aku1

tāku

[Tāne] pmu. E tohu ana nā te kaikōrero, te kaituhi rānei te mea ka whakaingoatia i muri tonu mai, i mua tonu atu rānei, ā, nō te rōpū-'a' taua mea. (i) Anei tāku kupu ki a koe - mahia ngā mahi kei tamariki ana. (ii) He take tāku ki a koe. (iii) E kī kei te inu tī koutou - kei hea kē tāku? {tāhaku} tōku, a2