This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



taki1

1. tākina ‑nga [Tūmatauenga] mahw, ing, āhua. Ka whakaputa ā-waha i tētahi kōrero kua mau ki ngā pūmahara. (i) E taki ana i ngā kōrero mai o mua (W 371). (ii) Ka tākina te kawa (W 371). (iii) I konā kua tākina e te whakaminenga te Inoi a te Atua. {takitaki1 (1), tapa2 (3), tātai1 (2), tātaku, whakahua2 (2), whakataki, whiti4 (1)}

taki tupuna [Tūmatauenga] ing, mahp, āhua. Te whakahuahua whakapapa kua mau kē ki ngā mahara. Ko tā te tohunga mahi i tēnei wā he taki tupuna. {whakatakoto (whakatakoto tupuna)}

2. ‑na ‑nga [Tūmatauenga] mahw, ing, āhua. Ka tono i te tangata kia whawhai, kia whakataetae rānei ki a koe, ka mahi rānei i tētahi mahi e whawhai ai, e whakataetae ai ia ki a koe. He mea taki anō pea kia whai pakanga ai rātou (W 371).  whakapātari

3. ‑na ‑nga [Tūmatauenga] Ka kukume ake i tētahi atu ki te mahi i tētahi mahi mā te whakaoho i te tūmanako, i te hiahia. Ka takina e ia te kiwi kia puta ake i tōna rua.  whakawai1 (4)

taki2

‑na ‑nga [Tūmatauenga] mahw, ing, āhua. Ka kuhu atu i tētahi mea koi, i te pito koi rānei o tētahi mea, ki roto i tētahi atu hanga. Ka takina haerehia ētahi pou ki te whenua, kātahi ka honoa ki te taura kia kore ai te marea e hou atu ki roto.  titi1 (1)

taki-

[Tāne] pīa. E noho tahi ana, e haere tahi ana (i runga i te maha e tohua ana i te wāhanga tuarua o te kupu), e kawea tahitia ana rānei (e te maha e tohua ana i te wāhanga tuarua o te kupu). (i) Ehara taku toa i te toa takitahi, engari he toa takitini (NP 93). (ii) He tikanga anō mō ngā rā takitoru. I tētahi takitoru (rā 1, 2, 3), i hangā ngā wāhi. I tētahi takitoru (rā 4, 5, 6), i hangā ngā kainoho i aua wāhi (Pi 22, wh7). (iii) Ka eke takirua atu ngā kararehe i te waka o Noa. (iv) He tākaro takirua te Hipi Toitoi.

tāki

1. ‑na ‑nga [Tūmatauenga] mahw, ing, āhua. Ka neke, ka tango rānei i tētahi mea ki te taha, ki rahaki. (i) Ko ngā hē o mua, i uru anō ahau ki roto: ko tēnei hē, me tāki au i tōku tinana ki uta (W 371). (ii) Taihoa, kia tāki nei au i ngā pouaka nā kia pai ai tō haere pēnā atu. {tātāki}

2. ‑na ‑nga [Tūmatauenga] Ka tango i te hīnaki i te wai. Kātahi ka tāki i tā rāua hīnaki, ehara, kī ana i te tuna.

3. ‑na ‑nga [Tūmatauenga] Ka tango i te kai i te ahi. Ka maoa ngā kai nā, tākina (W 371). {tātāki}