This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



takere

1. [Papatūānuku] ing. Te papa whenua i raro i te moana me ērā atu takotoranga wai; te taha whakararo o roto i te kete, i te ipu, i te aha atu. (i) Ka āhei anō i ngā tāngata Māori nō rātau ngā moana, arā te takere o ngā moana, te kawe i ō rātau take kia uiuia e te Kōti Whenua Māori (TT 61, wh459). (ii) He wai iti hoki kei te takere kau o te ipu (KtKM 2, 3). (iii) Ka whāwhā haere i te takere o tana kete, ehara, ka kitea he rare mā tana mokopuna. (iv) He tino tangi ēnei, ahakoa potopoto, nō te takere o te ngākau (Ko 80, wh8).

2. [Tāne] Te wāhanga matua o te tinana o te waka, arā, te wāhanga ka aukahatia atu ngā rauawa ki runga. He mea tono e ia kia haria mai i Tūākau te takere o te waka taua tawhito nei, o Te Winika, ki Tūrangawaewae (TTR 4, 143). {kaunoti, kōhiwi, rongokere, tahiwi, tīwai1 (3)}

3. [Tāne] Te pito whakararo rawa o waho o te matua o te waka, ka rere i tōna whāroa. Ka rongo a Kupe i te kukū o te takere o te waka rā (W 371). {tangere}

4. [Tūmatauenga] Te upoko, te kaiārahi o tētahi iwi, he tangata whai mana i roto i te iwi. Kotahi anō te kupu a te takere, kua whāia e tana iwi.  rangatira (1)