This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



taiaroa

1. ‑tanga [Ranginui & Papatūānuku] mahp, ing, āhua. Kua pau te hau, kua pau te kaha, mā te whakangā rawa, mā te moe rawa e whai kaha anō ai. Kua taiaroa a Koro, kua kore i waia ki te noho tahi me te tamariki.  ngenge1

2. ‑tanga [Ranginui] Kua tino pau te hau - taha tinana, taha wairua rānei - i te whakapaunga kaha ki te mahi, i tētahi āhuatanga pēpēhi wairua rānei. Me taiaroa anō te tangata ka kau atu i Te Upoko-o-te-Ika ki Te Tauihu-o-te-Waka ka tika.  tūrohi (2)

3. ‑tanga [Tāne] Kua whakahuihui mai, kua whakahuihuitia mai ki tētahi wāhi. Kia rokohanga atu ko Te Kāhui Tara e taiaroa mai ana (B 39).  emi1

4. [Tāne] ing. He kete, he hanga hei rau atu i ētahi mea. Ka mahia te taiaroa, ka oti; ka kohia a Ngae ki roto ki te taiaroa, ka kawea ki waho (W 362).  raurau2

5. [Tūmatauenga] He kōrero ka hariharia e te tangata, ehara pea i te kōrero pai, i te kōrero pono rānei. Kaua noa e aro atu ki ngā taiaroa a aua wāhine - nā te pūhaehae i pērā ai tā rātou kōrero.  kohimu (5)

6. [Tūmatauenga] He kōrero mō tētahi mahi e whakaarotia ana he tino kino, e riri ai te iwi, te marea. Ka hia tau ki muri ka puta te taiaroa mō te tūkino a ngā Pirihi i ngā taitama o taua kura.  heitara

7. ‑tia ‑tanga [Tūmatauenga] mahw, ing, āhua. Ka kōrero kino mō te tangata, mō tētahi kaupapa rānei, i runga i tō hiahia kia kino tōna rongo, kia heke tōna mana. I taiaroatia ia ki ētahi kōrero horihori he mea tuku ki te nūpepa.  tūtara (4)

8. ‑tia ‑tanga [Tūmatauenga] mahw, ing, āhua, tūkē. Ka kōrero kino (mō tētahi atu). He aha koe e taiaroa nā i a ia? He pai katoa ana kōrero mōu!  tarawau (1)