This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



taha

1. [Ranginui & Papatūānuku] ing. Te wāhi ki te mauī, ki te matau o tētahi hanga; tētahi o ngā haurua o tētahi hanga. (i) Ko te manuhiri ki te taha matau o te wharepuni. (ii) E rima putu pea tana roa, nā, mangu tonu te tinana mai i te mātenga ki te waero. Ko te taha raro i āhua māwhe (Wh 11, 5). (iii) Pōtitia ana. Taha whakaae 20. Taha whakakāhore 34. Riro ana i te taha whakakahore (WM 8, 20).

2. [Papatūānuku] Te wāhi e pae ana i ngā pito whakawaho o tētahi mea, e whai haere ana i tōna ripa. (i) Kei te taha o te papa tākaro te whānau e mātakitaki ana i te kēmu. (ii) Ka noho te tamaiti ki te taha o te wai, auē ai (Wh 5, 9).  tapa1 (1)

3. [Tūmatauenga] He korowhititanga ka puta noa ake i ngā io, i ngā uaua o hea ake o te tinana, he tohu. (i) Ka pā taku taha (W 357). (ii) Kua tū te taha (W 357).  hukihuki (3)

4. ‑nga [Tūmatauenga] ing, mahp. He momo mau i te tākaro mamau. Tērā anō te nui o ngā mau e hinga ai, e mau ai rānei te tangata, arā, te awhiawhi, te rou, te taha, me ērā atu.

5. [Tāne] ing. He rau harakeke. Māku e tākirikiri ā tāua taha kia pai ai tā tāua whiri.  kehakai

6. [Ranginui & Papatūānuku] Tētahi wehenga ka oti mai ina wehea tētahi mea. Tētahi taha o Ngāti Maru (W 357).  wāhanga

7. ‑nga [Tāwhirimātea] mahp, ing, āhua. Ka haere i te taha o tētahi mea, ā mahue rawa taua mea ki muri. Ka taha te patu i tōna angaanga, ka pakaru ko te tahā, mau mai i a ia ko te ngutu anake o te tahā rā (N 78).  hipa (1)

8. ‑nga [Tāwhirimātea] Kua whakarērea ki muri (o te wā). (i) He haka tawhito rawa tēnei nō tērā rau tau ka taha (Wh 19, 3). (ii) E tautoko ana i ngā tangi me ngā poroporoaki mō ō tātau aituā maha i hinga i ngā marama ka taha (TT 1, 6).  hipa (2)

tahā

[Rongo] ing. He hue pakari kua oti te karu te tango ake, whakamahia nuitia ai hei kawe wai. (i) Ka haere ia ki te tiki wai, ka hoki mai me ngā tahā e whā e kī ana i te wai. (ii) Kua tae te tahā ki roto i te wai, kātahi ka rere atu ngā ringa ki te pēhi i te tahā kia totohu (N 78). {kāhaka, karaha, kārahe, kia3, kīaka, kimi2, kōaka, koki2 (4), pāhaka, pāpapa, tahē, takawai1 (1), tawā, tawhā2, wai1 (3)}