This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



ruru1

[Tāne] ing. He manu haere pō āhua rahi tonu, he parauri, he kiwikiwi ngā huruhuru, he karu peho kōwhai ōna, nōna te reo koukou i te pō. Ninox novaeseelandiae. {koukou2, peho1, rurururu}

ruru2

1. ‑a ‑tia ‑nga ‑tanga [Tūmatauenga] mahw, ing, āhua. Ka whakamau ki te aho, ki te taura, ki tērā momo hanga rānei, ka paihere rānei kia apiapi, kia raungaiti. E ruru ana a Tame i tana kurī ki te taiepa, kia kore ai e oma atu.  here (2)

2. ‑a ‑tia ‑nga ‑tanga [Tāne] Ka takatakai (ki te miro, ki te taura, ki te aha atu) kia mau pai, kia tina; ka takatakai tahi i ētahi mea kia mau tahi ai. He mea ruru ngā kāho kia oti mai ai he pūtere.  here (1)

3. ‑a ‑nga ‑tanga [Tūmatauenga] Ka tomo atu i te pā, i tētahi atu wāhi rānei i runga i te whai kia hinga te hoariri, kia horo te pā, kia riro mai rānei te mana o te whenua. Kua rurua te pā e te hoariri, kua hinga.  urutomo (2)

4. ‑nga [Ranginui & Papatūānuku] mahp, ing, āhua, tūkē. Ka piri tata, tētahi ki tētahi. Taonga ruru tonu ki roto i te pūtea (W 353).  pūputu (1)

5. [Tāne] ing. He here āhua rite ki te pūreke ka oti mai ina kuhuna tētahi pito o te taura, o te aho, o tētahi hanga pērā rānei, ki roto atu i tētahi atu wāhanga ōna kua oti te whakakoropewa, me te kukume kia kikī. (i) Kāpā ianei ko te ruru i wetekina (W 353). (ii) Ko ngā ruru hei puritanga mā ngā ringaringa, e kore ai te taura e paheno.  pona (1)

6. [Tāne] Ngā here hei tui i te rauawa ki te tahiwi o te waka. Ko te ruru hei aukaha i te rauawa ki te tinana o te waka.  aukaha (2)

ruru3

[Tūmatauenga] ing. He momo tākaro e whiua ai, e hopukia ai ētahi kōhatu e rima. Ko te mahi tuatahi i te ruru he whiu i ngā kōhatu e rima ki te rangi kia tau iho ki te angaangamate o te ringa, kātahi ka whiua anō kia tau mai ai ki te kapu o te ringa. {kaimakamaka, kōruru, tutukai}

ruru4

[Tūmatauenga] ing. He kōrero kiko kore, tikanga kore. He ruru kau ana kōrero - kaua e arohia ake.  kutukutu ahi

rūrū

1. ‑nga ‑tanga [Rūaumoko] mahp, ing, āhua. Ka neke kia auau, kia iti, ki mua ki muri, ki ngā taha e rua rānei, ki runga ki raro rānei. (i) He rākau paku e tipu ana i waho atu i te waha o te ana. Ka rūrū mai taua rākau (Wh 10, 3). (ii) Ahakoa rūrū mai te māhunga me ngā pakihiwi, ka ākina tonu, ā, ka tū mai tētahi kuia tino whakamā (Wh 1, 2). {hīoioi, katote, korū, kōrūrū, ngatari, ngateri, ngaue, ngāueue, oraora, pīoraora, , tārurerure, tārūrū}

2. ‑ngia ‑tia rūrūanga ‑tanga [Rūaumoko] mahw, ing, āhua. Ka neke i tētahi mea kia auau, kia iti ki mua ki muri, ki ngā taha e rua rānei, ki runga ki raro rānei. (i) Kua rūrū mai tērā i tana māhunga, kua kore e whakaae kia pērā tā tātou mahi. (ii) Ko te hunga e hāereere ana i reira ka tāwai ki a ia, ka rūrū i ō rātou mātenga (PT Mak 15.29). {rawharawha, , ue1 (2), ueue, whakapīoraora, whakatakataka, whakatātaka, whērūrū}

3. ‑ngia ‑tia rūrūanga ‑tanga [Tāwhirimātea] Ka hiki (i tētahi mea), me te āta whiuwhiu haere mai i tētahi taha ki tētahi. E rere, e te kōtare, ki runga i te pūwharawhara, rūrū ai i ō parirau (W 349).  piupiu (2)

4. ‑ngia ‑tia rūrūanga ‑tanga [Tūmatauenga] Ka piupiu haere i tētahi mea ki te takiwā hei tohu mō te riri, mō te toa, mō te hiamo rānei. Haere i ngā rūrūanga a Rangiwhenua (W 349).  pioi (1)