This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



rumaki

1. ‑na ‑nga ‑tanga [Tūmatauenga] mahw, ing, āhua. Ka whakangaro katoa atu (i tētahi mea) ki roto i te wai; ka whakangaro katoa atu (i tētahi mea) ki roto i te wai mō tētahi wā poto. E kaukau ana rāua i tētahi rā me te tākaro, kātahi ka rumakina rāua ki te wai e ngā wāhine o Ngāti Manu; mea rawa ake kua taki whawhai rātou (TTR 1, 117).

2. ‑na ‑nga ‑tanga [Tūmatauenga] Ka āta whakamate mā te tuku, mā te pupuri rānei ki raro i te wai. Ka rumaki a Ruatapu i te hokowhitu rā, a mate katoa (W 351). {tukupunga}

3. ‑na ‑tanga [Tūmatauenga] Ka tuku ki te kōpū o te whenua, ka uhi ai ki te oneone. (i) Ka patua te taua e Te Kea, ka rumakina a Pāiterangi ki roto ki te repo (W 351). (ii) Me rumaki ngā whēkau ika, kia kore ai e haunga ka tahi, kia mōmona ai te whenua ka rua.  tanu (1)

4. ‑na ‑nga ‑tanga [Rongo] Ka kuhu atu (i te tipu, i te kākano) ki te oneone, kia tipu ai. I tuhia hoki e ia ngā kōrero tohutohu mō te rumaki me te ngaki huawhenua (TTR 4, 74).  whakatō (2)

5. ‑nga ‑tanga [Tāne] mahp, ing, āhua. Ka neke whakamua, whakararo te upoko me ngā pakihiwi, i te wā e tū ana, e tūturi ana rānei. Ka rumaki tonu te pane ki raro kia kore ai e kitea tana kanohi.  tuohu (1)

6. [Rongo] ing. He kete purapura rīwai. Ko taku matua kei mua e parau ana i te whenua, ko mātou me ā mātou rumaki e whai ana i muri. {auau4}

7. ‑nga ‑tanga [Tāne] āhua, ing, mahp. hou. Kotahi anake te reo e kōrerotia ana, e whakaaetia ana rānei kia kōrerotia. (i) Ko te tikanga, ka pakari ake te reo Māori o ngā tamariki o te karaehe rumaki, tēnā i ō te karaehe reorua. (ii) Koirā te pai o te haere ki te whenua koirā anake te reo o reira - ka rumakina koe ki taua reo. (iii) Ko te rumaki te tikanga pai katoa e tere mau ai tētahi reo.