This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



rua1

[Tāne] tau, ing, āhua. Te tau i waenganui i te tahi me te toru, ko te 2 tōna tohutau. E rua ā tāua inu, māu tētahi, māku tētahi. {rie, rienga}

rua2

1. [Papatūānuku] ing. He arearenga i te whenua, i tētahi hanga, i tētahi mata rānei. (i) He mea whakarite anō e te Atua ō rātou whare. Tō te ika haerenga, he wai; tō te manu, he ngāherehere; tō te kiore, he rua oneone (WotT 1, 3). (ii) Titiro atu ai te tangata nei ki roto i te puare o te rākau rā, ko ngā hēki e pūkai mai ana i roto i te rua. (iii) Mahia he rua ki te pokenga, ka wāhi atu i ētahi hēki e rua ki roto (PH 6, 16). {kororua, kōrua2, kōruarua, mārua, poka, pokere, poko1 (5), pokopokorua, pokorua, pōpokorua1 (1), puna} kōhao

rua haeroa [Tūmatauenga] He rua i keria ki te whenua mō ngā wairua o te hoariri ka poapoaina mai e te tohunga, ki reira patua ai ki te karakia. {(rua tūpō)}

rua mātini [Tāne] He rākau wharemoa, he rua rānei i tētahi rākau, ka noho hei kōhanga mō te kākā.

rua tirawa [Rongo] He rua kai kua koropaepaetia ki te tīrongo.

rua tūpō [Tūmatauenga] He rua i keria ki te whenua mō ngā wairua o te hoariri ka poapoaina mai e te tohunga, ki reira patua ai ki te karakia.  (rua haeroa)

2. [Papatūānuku] He pokorua ka karia ki te whenua hei putunga kai. He pakitara ō ētahi, he tuanui, he tomokanga whāiti anō, ko ētahi he karinga noa iho i te whenua, kāore he pakitara engari he whai tuanui, he tomokanga iti anō kei tētahi pito. (i) Ka tapoko taua māia ki roto ki te rua i ngā tahā huahua, na kei te tāhae (N 81). (ii) Kua tāorotia ngā māra me ngā rua kai, kua hemo te tangata i te kore kai (TTR 2, 169). {koropū1}

rua kōauau [Papatūānuku] He rua kūmara. Kāore i putua noatia ngā kūmara ki te rua kōauau, i āta whakanohonohoia mai ki te ringa, kia kore ai e marū. {hahuki, pātengi, pātengitengi}

3. [Papatūānuku] He pokorua i te pari, i te puke, i raro rānei i te whenua. Kua rongo rawa te taniwha rā i te piro āhua tangata. Kātahi ka whakatika mai i tōna rua (TKP 1, 11).  ana1

rua tūpō [Papatūānuku] He ana e haria ai ngā poroiwi o te tūpāpaku ina horo katoa ngā kiko pirau. Ka hahua ake, ka horoia ngā poroiwi, ka haria ki te rua tūpō o ana tūpuna.  toma

4. [Papatūānuku] ing, āhua. He kōrua ka karia i te whenua hei takotoranga mō te tūpāpaku. Ko ngā tūpāpaku i tanumia ki te rua (W 349). {(rua kōiwi)}

rua kōiwi [Papatūānuku] ing. He kōrua ka karia i te whenua hei takotoranga mō te tūpāpaku. I haria iho ia ki te pūwaha o te awa o Waiaua, ki Te Rangiomatanui, ki ngā kirikiri o te urupā o Ngāti Rua tāpukena ai. Kāre he mea whakaatu i tana rua kōiwi (TTR 2, 6).  rua2 (4)

rua3

[Tāne] ing. He taputapu hopu ika, ka whatua tōna raumata ki ōna momo aho anō; he taputapu whai raumata hei hopu i te manu, i te aha atu.  kupenga