This countdown requires you to have the latest Flash player - you can download it here.

He aha te kupu e kimi ana koe i te ī-papakupu?

 
Te āhua o ngā kōrero ka takoto: poto    roa



rorirori

1. ‑tanga [Ranginui & Papatūānuku] āhua, ing, mahp. Kāore e kakama te hinengaro, kāore e mātau, kāore rānei e āta whakaaro. (i) He rorirori te tangata kāore e raka i tana waka ka haere ana ia ki te mātakitaki pikitia. (ii) E kore te tāima rāua ko te Pākehā e tatari ki ngā tāngata pōrori, ki ngā tāngata autō, ki ngā tāngata rorirori (TT 50, wh292).  pōrori (2)

2. ‑tanga [Ranginui & Papatūānuku] Kāore e āta whakaaro, kāore rānei e mātau ki te mahi tika. Nōu te rorirori ki te omaoma i te ara kirikiri me te kore hū.  heahea2 (1)

3. ‑tanga [Ranginui & Papatūānuku] Kāore e huatau ki te mahi, ki te kori, ki te aha atu rānei, ka rangirua, ka taumaha te āhua. He tuatahi kē tēnei mōna ki te hiki i te pēpē, koirā i rorirori ai. Taihoa ka taunga.  ninipa (1)

4. ‑tanga [Ranginui & Papatūānuku] mahp, ing, āhua. Ka mate te hinengaro, me te aha, ka kotiti, ka hē ētahi o ngā whakaaro, o ngā mahi. He tangata rorirori - kāore e mutu tana pahupahu me tana katakata ki a ia anō.  pōrangi (1)

5. [Ranginui & Papatūānuku] ing. He tangata kāore e whakaaro, kāore rānei e mātau ki te mahi tika. Ka kore anō te rorirori rā e mōhio ki te mahi tika.  heahea2 (2)